U Turkmienistanie ciažarnaja žančyna pamierła, bo jaje aŭtamabil nie puścili praz kartež Bierdymuchamiedava
Muž žančyny na kaleniach prasiŭ siłavikoŭ, jakija pierakryli darohu, prapuścić ich aŭtamabil.
U Turkmienistanie ciažarnaja žančyna pamierła, bo jaje aŭtamabil nie prapuścili praz kartež prezidenta Sierdara Bierdymuchamiedava. Zdareńnie adbyłosia 15 kastryčnika 2025 hoda, piša «Nastojaŝieje Vriemia» sa spasyłkaju na turkmienskuju słužbu Radyjo Svaboda/Azatłyk.
Bierdymuchamiedaŭ u hety dzień prymaŭ udzieł u cyrymonii zakładki padmurka kompleksu pa vytvorčaści minieralnych uhnajeńniaŭ na chimičnym zavodzie imia Nijazava ŭ Turkmienabadzie.
U horadzie byli pierakryty vulicy, a ruch transpartu i piešachodaŭ abmiežavany.
Krynica vydańnia raskazała, što muž žančyny na kaleniach prasiŭ siłavikoŭ, jakija pierakryli darohu, prapuścić ich aŭtamabil. «Jany jaho nie prapuścili. Jamu skazali: «Idzicie ŭ rajonnuju balnicu praz zavułki». Pa darozie ŭ rajonnuju balnicu jaho žonka pamierła ŭ jaho na rukach. Taksama zahinuła dzicio. Kali jany dabralisia da balnicy, daktary skazali: «Vy spaźnilisia», i adrazu ž vyklikali palicyju», — raskazaŭ jon.
Pavodle słoŭ krynicy, na nastupny dzień paśla incydentu z mužam zahinułaj žančyny pahavaryŭ supracoŭnik słužby biaśpieki i zahadaŭ jamu nidzie nie abmiarkoŭvać toje, što adbyłosia: «Z momantu incydentu siły biaśpieki achoŭvajuć dom hetaj siamji. Muž zahinułaj zajaviŭ, što padaść skarhu prezidentu, budzie damahacca spraviadlivaści i paviedamić pra toje, što zdaryłasia, ŚMI i ŭ AAN. Z taho času supracoŭniki siłavych struktur prychodzili da jaho dadomu i pahražali».
Krynica ŭ centry pierynatałohii i hiniekałohii «Ene mychry» paviedamiła, što ŭ dzień vizitu Sierdara Bierdymuchamiedava «praktyčna ŭsie darohi Turkmienabada byli pierakryty».
«Siłaviki navat nie vypuskali mašyny chutkaj dapamohi sa stajanki našaj balnicy. Nivodzin z haradžan, jakija vyklikali ŭ toj dzień chutkuju, nie zmoh atrymać miedycynskuju dapamohu», — adznačyła krynica.
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»31
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary
Dakładniej kazać , nie BO, a PAŚLA taho jak.
I ilustracyja nie padychodzić, bo jany byli na ŭłasnaj mašynie, a nie na chutkaj.