Čamu ceny narešcie pačali padać?
Fjučarsy na kakavu na Ńju-Jorkskaj tavarnaj biržy patańnieli da minimumu za 11 miesiacaŭ (da $6547 za tonu), pakolki trejdary čakajuć, što pavyšeńnie apłaty pracy fiermieraŭ budzie stymulavać prodažy i pavialičyć pastaŭki ŭradžaju, paviedamlaje Bloomberg.
Hana, druhi pa vieličyni afrykanski pastaŭščyk, abviaściła, što suma, jakuju jana płacić fiermieram za kakava-baby, pavyšajecca ŭ druhi raz za hety siezon. Heta adbyłosia paśla taho, jak byli pavyšany na 27% ceny dla fiermieraŭ, jakija vyroščvajuć kakavu ŭ Kot-dJIvuary — najbujniejšym suśvietnym vytvorcy, — da 5 dalaraŭ za kiłahram dla novaha ŭradžaju asnoŭnaha zboru, jaki pačaŭsia 1 kastryčnika.
Rynak uvažliva sočyć za cenami ŭ Hanie i Kot-dJIvuary, pakolki bolš vysokija ceny na miescach zvyčajna zaachvočvajuć vytvorcaŭ pieradavać baby na pierapracoŭku i ekspart.
U toj čas jak abjomy vytvorčaści ŭ hihantaŭ Zachodniaj Afryki ź ciažkaściu adnaŭlajucca da pikavych uzroŭniaŭ paśla raspaŭsiudžvańnia chvarob sielskahaspadarčych kultur, rynkavyja analityki čakajuć rostu pastavak z krain Paŭdniovaj Amieryki, takich jak Ekvador, Brazilija, Pieru i Kałumbija.
Pavodle acenki analitykaŭ, u siezonie 2025‑2026 hadoŭ, jaki pačaŭsia ŭ kastryčniku, vytvorčaść pieravysić spažyvańnie prykładna na 186 tysiač ton.
Za apošnija hady z-za deficytu pastavak kakavy na rynak ceny istotna vyraśli. U śniežni minułaha hoda fjučarsy na biržy ŭ Ńju-Jorku dasiahnuli rekordnych $12,9 tysiačy za tonu. Fiermiery ŭ Kot-Djivuary i Hanie nazapašvali kakava-baby na składach i pierapraŭlali ich kantrabandaj u susiednija krainy ŭ pošukach bolš vyhadnaj cany.
Z-za rostu cen na kakava-baby ŭ apošni hod padaražeŭ i šakaład. Biełaruskija šakaładnyja fabryki na hetym fonie stali zamaŭlać kakava-baby ź Vieniesueły.
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj89
Kamientary