Były probašč katalickaj parafii ŭ Vałožynie, ksiondz Hienrych Akałatovič, asudžany na 11 hadoŭ pazbaŭleńnia voli pa abvinavačvańni ŭ «zdradzie dziaržavie», znoŭ nakiravany ŭ kałoniju ŭ Babrujsku, daviedalisia vierniki, piša katolik.life.
Raniej stała viadoma, što śviatar, jaki ŭžo znachodziŭsia ŭ kałonii, niečakana viarnuli ŭ SIZA Minska. U viernikaŭ tady źjaviłasia nadzieja, što jaho rychtujuć da vyzvaleńnia pierad pryjezdam u Biełaruś novaha Apostalskaha nuncyja, dypłamatyčnaha pradstaŭnika Vatykana.
Ale akazałasia, što śviatar byŭ pieraviedzieny ŭ SIZA dla razhladu jaho skarhi na prysud, ź jakim jon nie zhodny i nie pryznaje siabie vinavatym. Ci byŭ u vyniku źmienieny prysud?
Nakolki viadoma viernikam, — nie, prysud zastaŭsia raniejšym. Mahčyma, skarhu razhladaŭ staršynia Viarchoŭnaha suda Biełarusi, bo abskardžańnie rašeńnia Minskaha abłasnoha suda ŭ Viarchoŭnym sudzie ŭžo adbyłosia. Ale padrabiaznaści viernikam nie viadomyja.
Pisać listy ksiandzu Hienrychu možna pa raniejšym adrasie.
PK №2, 213800, h. Babrujsk, vuł. Sikorskaha, 1
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks15
Kamientary