Žonka pamierałaha rasijskaha apazicyjaniera Julija Navalnaja, jakaja žyvie za miažoj, prakamientavała vyzvaleńnie častki biełaruskich palitviaźniaŭ, siarod jakich i Siarhiej Cichanoŭski.
«Ja vielmi rada, što siońnia stała na 14 palitviaźniaŭ mienš. Vielizarnaja praca Śviatłany Cichanoŭskaj i jaje kamandy. Maje vinšavańni ŭsim siemjam vyzvalenych palitviaźniaŭ.
Śviatłanu i Siarhieja ja chaču pavinšavać asobna. Heta vydatnaja navina.
Davajcie pamiatać, što ŭ rukach u dyktataraŭ Pucina i Łukašenki zastałasia jašče vielizarnaja kolkaść palitviaźniaŭ. I my pavinny zmahacca za ich vyzvaleńnie jašče macniej. Bo siońniašni dzień — jašče adzin dokaz, što heta mahčyma», — napisała Navalnaja.
Jaje muž, viadomy rasijski apazicyjanier Alaksiej Navalny, pamior u kałonii «Paŭnočny voŭk» 16 lutaha 2024 hoda va ŭzroście 47 hadoŭ.
Kamientary