Krama «Susiedzi» ŭ Słucku siońnia svoječasova nie adkryłasia: rabotniki zładzili strajk
Krama sietki «Susiedzi» na vulicy Barysaŭca, 28 u Słucku siońnia nie pačała pracu a 7 hadzinie ranicy, jak pavinna była. Ludzi ŭvieś čas prychodzili, niekatory čas stajali pad dźviaryma i sychodzili. Pra heta paviedamili čytačy SlutskGorod.
Pa infarmacyi vydańnia, paśla pavieličeńnia režymu pracy da 2 hadzin nočy zadač u piersanału stała našmat bolš, supracoŭniki nie raz źviartalisia da kiraŭnictva z prośbaj padniać zarobki. Siońniašni mini-strajk staŭ apošniaj kroplaj i sprobaj dastukacca da administracyi sietki.
Kala dziesiaci čałaviek, jakija pavinny byli siońnia vyjści na źmienu, uzhodniena nie adčynili dźviery kramy.
Skandał doŭžyŭsia kala hadziny, paśla čaho «Susiedzi» ŭsio ž puścili pakupnikoŭ.
Dakładna nie viadoma, ci atrymałasia ŭ rabotnikaŭ dabicca niejkich abiacańniaŭ. Apieratyŭna atrymać kamientar u kiraŭnictvie sietki vydańniu nie ŭdałosia.
Kamientary