Z kałonii vyzvaliŭsia syn bychaŭskaha piśmieńnika-fantasta Siarhieja Antonava
Pra vyzvaleńnie palitviaźnia Arcioma Antonava paviedamiŭ pravaabarončy resurs Mayday.team.
Na vychadnych chłopca bačyli na vulicach horada. Jahonyja znajomyja śćviardžajuć, što eks-palitviaźnia nie paznać praz mocnuju chudobu.
Arciom Antonaŭ byŭ zatrymany 26 śniežnia 2023 hoda ŭ Bychavie. U krasaviku minułaha hoda sud Bychaŭskaha rajona prysudziŭ jaho da 1 hoda 6 miesiacaŭ pazbaŭleńnia voli ŭ kałonii ahulnaha režymu pavodle častki 1 artykuła 368 KK (abraza Łukašenki). Nibyta chłopiec abraziŭ Łukašenku ŭ milicejskaj mašynie pa darozie ŭ adździaleńnie milicyi.
Arciom Antonaŭ adbyŭ uvieś termin całkam.
Baćka eks-palitviaźnia, aŭtar knih sieryi «Mietro 2033» Siarhiej Antonaŭ trapiŭ pad represii siłavikoŭ za supracoŭnictva ź niezaležnymi miedyja i pakinuŭ Biełaruś u pačatku śniežnia 2023 hoda paśla taho, jak u jaho doma byŭ praviedzieny pieratrus, a sam jon byŭ dastaŭleny na dopyt u KDB.
«My ŭsio znojdziem, usio dakažam, i pojdziecie vy na 7 hadoŭ». Bychaŭski piśmieńnik-fantast raskazaŭ, jak jaho plažyli za supracu z rehijanalnymi ŚMI
Piśmieńnik z Bychava ŭciok za miažu. Tady aryštavali syna
Paśla zatrymańnia źjechaŭ ź Biełarusi žurnalist i piśmieńnik Siarhiej Antonaŭ
U Mahilovie siłaviki dva dni ładzili pieratrusy
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary