Abmierkavali status biełaruskich dobraachvotnikaŭ i viartańnie pałonnych. Padalak i Labiedźka sustrelisia ŭ Kijevie
Daradca Śviatłany Cichanoŭskaj Anatol Labiedźka i daradca kiraŭnika Ofisa prezidenta Ukrainy Michaił Padalak praviali rabočuju sustreču ŭ Kijevie, piša «Parłamiencki kanał».
«Jak zaŭsiody heta farmat ščyraj razmovy z elemientami kansultacyj. Mnie było cikava zrazumieć, kolki miesca ŭ pracoŭnym hrafiku Zialenskaha zajmaje Biełaruś. Dyk voś, jak śćviardžaje Padalak, Łukašenka va ŭkrainskaj palitycy ŭ rajonie statystyčnaj pahrešnaści. A voś budučynia Biełarusi, heta toje, što realna prysuničaje ŭ hałavie ŭkrainskaha prezidenta. Tut jość razumieńnie, što biez demakratyčnaj Biełarusi nie budzie biaśpiečnaj Jeŭropy», — skazaŭ Labiedźka.
Padalak taksama adznačyŭ peŭnyja zruchi i źmieny ŭ pravavym statusie biełaruskich dabraachvotnikaŭ va Ukrainie i vykazaŭ spadzieŭ, što hety praces budzie mieć pazityŭnuju dynamiku. Padrabiaznaści hetaha nie pryvodziacca.
Taksama Padalak adznačyŭ, što prezident Ukrainy maje metu viarnuć z rasijskich viaźnicaŭ usich pałonnych. što zmahalisia za svabodu Ukrainy, nie zvažajučy jakoj jany nacyjanalnaści.
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary
Nie, tam inšaja tema. Zamacavać za saboj prava rabić hołas ad Biełarusi i hetkim čynam vybudoŭvać na budučyniu lehitymnaść svajoj palityčnaj dziejnaści ŭ Biełarusi.
Prajšło ŭžo 1 hod i 3 miesiacy.
Da sich por nie padpisaŭ.