Kampanija biełaruskaha błohiera Ułada Bumahi «Bumažnaja bumaha» paviedamiła kredytoram ab namiery źviarnucca ŭ arbitražny sud z zajavaj ab bankructvie, vynikaje z danych dziaržaŭnaha partała «Fiedresurs», piša TASS.
TAA «Bumažnaja bumaha», jakoje zajmajecca prodažam snekaŭ pad brendam błohiera Ułada A4 Bumahi, źjaŭlajecca jaho asnoŭnaj pa dachodach strukturaj u RF: 3,9 młrd rasijskich rubloŭ (45 miljonaŭ dalaraŭ) vyručki za 2023 hod, 186 młn rasijskich rubloŭ (2,1 młn dalaraŭ) čystaha prybytku. Źviestak za 2024 hod pakul niama. Za błohierski biźnies Bumahi adkazvaje inšaja jurydyčnaja asoba — TAA «Ačatyry»(vyručka ŭ 2023 hodzie — 794 młn rubloŭ (9,1 młn dalaraŭ), čysty prybytak — 377,3 młn rubloŭ (4,3 młn daojaraŭ), jakoje całkam naležyć hramadzianinu Biełarusi.
TAA «Bumažnaja bumaha» zarehistravana na kiprskuju A4Group Limited Ułada Bumahi (vałodaje 45%), astatnija doli naležać byłomu top-mieniedžaru handlovych sietak «Dyksi» i «Piacioračka» Alaksieju Kłačkovu i ekśpiertu ŭ rekłamie Vitalijusu Paŭlusu.
Na dadzieny momant sudovyja pretenzii da «Bumažnoj bumahi» składajuć kala 40 młn rubloŭ (462 tysiačy dalaraŭ): havorka idzie pra siem pazovaŭ pa kantraktach na pastaŭku roznych kampanientaŭ dla śniekaŭ i ŭpakoŭki. Najbujniejšy pa sumie pazoŭ — na 29,7 młn rubloŭ (312 tysiač dalaraŭ)— pastupiŭ ad rasijskaha padraździaleńnia niamieckaha vytv orcy aramatyzataraŭ i charčovych dabavak ADM Wild Europe GmbH.
Apaviaščeńnie ad «Bumažnaj bumahi» na dziaržaŭnym partale «Fiedresurs» datavana 11 sakavika. Pavodle zakona «Ab bankructvie», pracedura z apaviaščeńniem źjaŭlajecca abaviazkovaj. Ciapier nastupny krok pa tym ža zakonie: na praciahu 15—30 dzion «Bumažnaja bumaha», jak čakajecca, padaść zajavu ŭ sud ab ułasnym bankructvie. Dalej mahčyma finansavaje azdaraŭleńnie ( sanacyja) i praciah raboty biźniesu, albo rasprodaž aktyvaŭ i likvidacyja kampanii.
Ciapier čytajuć
Juraś Ziankovič raskazaŭ pra svajo vyzvaleńnie i šlach u ZŠA5
Kamientary