Złučanyja Štaty Amieryki «zastajucca mocnaj dziaržavaj, mahutnaj krainaj», adnak jany «pierastali być lidaram volnaha śvietu», zajaviŭ na svaim jutub-kanale kiraŭnik Narodnaha antykryzisnaha ŭpraŭleńnia Pavieł Łatuška, kamientujučy pieramovy prezidentaŭ ZŠA Donalda Trampa i Ukrainy Uładzimira Zialenskaha, jakija adbylisia 28 lutaha.
Toje, što adbyłosia ŭ piatnicu ŭ Avalnym kabiniecie, Pavieł Łatuška ličyć fijaskam amierykanskaj dypłamatyi.
«Bolšaść lidaraŭ, palitykaŭ, jeŭrapiejskich demakratyj […], demakratyčnych dziaržaŭ va ŭsim śviecie ŭśviadomili paśla hetaj hutarki […], što ZŠA bolš nie źjaŭlajucca lidaram volnaha śvietu», — skazaŭ eks-dypłamat.
Ciapier, na jahonuju dumku, kaštoŭnaści dla ZŠA značać vielmi mała:
«hałoŭnym stanovicca — luboj canoj padpisać pahadnieńnie, sastupiŭšy kaštoŭnaści, pahadziŭšysia z parušeńniem mižnarodnaha prava, źmianiŭšy acenku ahresara jak roŭny bok u hetaj vajnie».
Taksama, ličyć Łatuška, ciapier «usie zrazumieli, što słabych ZŠA mohuć i kinuć u składany momant».
Raniej Pavieł Łatuška niekalki razoŭ vystupiŭ z krytykaj amierykanskaj administracyi i ŭ padtrymku Uładzimira Zialenskaha adrazu paśla skandalnaj razmovy pamiž prezidentami ZŠA i Ukrainy ŭ Biełym domie.
Kamientary
My jaho zhubili nazaŭždy ??