Nieruchomaść

Top samych dastupnych novabudoŭlaŭ Minska i top samych kamfortnych

U Minsku ciapier pradajuć žyllo ŭ 139 damach-novabudoŭlach. Office Life skłaŭ top žyllovych kompleksaŭ stalicy — pa canie i pa kamforcie.

Siońnia na rynku bolš za 80% novabudoŭlaŭ prapanujuć u kłasie standart. Heta sučasnyja prajekty žyłych kompleksaŭ ź niekalkich damoŭ z pradumanymi płaniroŭkami, stylistyčnym afarmleńniem i videanazirańniem.

Z 2021 hoda košt kvadratnaha mietra ŭ minskich novabudoŭlach pavialičyŭsia ŭ siarednim na 18-20%.

Top-3 samych dastupnych novabudoŭlaŭ (miarkujučy pa canie)

1. «Kvadrat» ad $1145 — ŽK «Łošyca-9».

2. «Kvadrat» ad $1172 — ŽK «Minsk-Śviet».

3. «Kvadrat» ad $1310 — ŽK «Utulny».

Top-3 novabudoŭlaŭ aptymalnaha vybaru (dastupnyja ceny, infrastruktura, krokavaja dastupnaść ad mietro)

1. «Kvadrat» ad $1180 — ŽK «Minsk-Śviet».

2. «Kvadrat» ad $1360 — ŽK «Novaja Baravaja».

3. «Kvadrat» ad $1450 — ŽK «Hrand Avieniu».

Top-3 samych kamfortnych dla žyćcia novabudoŭlaŭ (pa suadnosinach cany, łakacyi i kłasa kamfortu)

1. ŽK «Levada».

2. ŽK «Novaja Baravaja»»

3. ŽK «Zialonaja havań».

Top-5 samych darahich novabudoŭlaŭ (na canie «kvadrata»)

1. Kvartał DEPO: «kvadrat» — ad $3, 5 tysiač u hatovych damach.

2. ŽK «Farforavy» na vulicy Krapotkina: $1,7-3,3 tysiačy za «kvadrat» u domie, jaki budujecca (u zaležnaści ad paviercha i płoščy), $3,1 tysiačy za «kvadrat» u hatovym domie.

3. ŽK «Levada»: $1,69-2,9 tysiačy za «kvadrat» u damach, jakija budujucca (u zaležnaści ad kłasa jakaści, nabližanaści da raki i budaŭničaj hatoŭnaści).

4. ŽK MOD House: $2,5-2,7 tysiačy za «kvadrat».

5. Dom «Safija» ŭ ŽK «Minsk-Śviet»: $2,25—2,7 tysiačy za «kvadrat».

Jakija tendencyi

U liku najbolš pierśpiektyŭnych łakacyj na staličnym rynku novabudoŭlaŭ analityk ahienctva nieruchomaści «Tvaja stalica. Navabudcentr» Andrej Čarnyšoŭ nazyvaje «Minsk-Śviet». Ale resurs dla zabudovy ŭžo zakančvajecca, i ŭ bližejšyja hady ŭźviadzieńnie žylla tut pojdzie na spad.

Pa-raniejšamu pryvabnym rajonam z punktu hledžańnia popytu zastajecca Novaja Baravaja. Zabudoŭščyk «A-100 Deviełapmient» pakazaŭ, jak možna na rynku rabić prostyja panelnyja damy pryhožymi i sučasnymi. Z časam tut źjavilisia i karkasnyja, manalitnyja chaty.

Dla mnohich cikavy ciapier ŽK «Paŭnočny bierah» — vielizarnaja terytoryja zabudovy pamiž vadaschoviščami Drazdy i Cnianskim na zachadzie i ŭschodzie, a taksama ad MKAD da vulicy Arłoŭskaj na poŭnačy i poŭdni. Tut kampanija «Ryversajd Deviełapmient Limited» źbirajecca ŭźvieści sotni žyłych damoŭ kłasa kamfort i kamiercyjnych abjektaŭ. Praŭda, pakul infrastruktura ŭ hetym rajonie niedastatkova raźvitaja. Ale heta sprava niekalkich hadoŭ.

Jak alternatyvu ŽK «Paŭnočny bierah» mnohija vybirajuć ŽK «Levada» na bierazie Śvisłačy. Tut prapanujuć elitnaje žyllo kłasa kamfort i prestyž z raźvitoj infrastrukturaj, uklučajučy hramadski transpart i kramy.

Adnoj ź pierśpiektyŭnych łakacyj u Minsku z punktu hledžańnia inviestavańnia i pražyvańnia stanovicca rajon vulicy Čyhunačnaj, dzie budujecca žyły kompleks «Dubravinski». Na jaho karyść kažuć dastupnaść i zručnaść raźmiaščeńnia. U pierśpiektyvie tut budzie vialiki masiŭ žyłoj zabudovy.

«Jašče 10 hadoŭ tamu ŭ Hrušaŭcy nie było mietro, na hetym učastku Dziaržynskaha raźmiaščaŭsia šmatliki pryvatny siektar. I kali tam pačali budavać pieršyja vyšynnyja damy, nichto navat padumać nie moh, što Hrušaŭka stanie adnoj z samych žadanych i, ja b navat skazaŭ, topavych łakacyj pa suadnosinach koštu i jakaści», — nahadvaje Andrej Čarnyšoŭ.

U bližejšyja hady ŭ łakacyi ŽK «Dubravinski» pavinna adbycca padobnaja transfarmacyja, što tolki dadaść jamu koštu.

Kamientary

Ciapier čytajuć

Na kanviercie Cichanoŭskaj napisana «Miedviediu O.V.» Što heta za čałaviek?

Na kanviercie Cichanoŭskaj napisana «Miedviediu O.V.» Što heta za čałaviek?

Usie naviny →
Usie naviny

Piać hadoŭ tamu «dydžei pieramien» uklučyli Coja na dziaržaŭnym mierapryjemstvie. Što ź imi ciapier?12

U Biełaruś prybyli pieršyja rasijskija vajskoŭcy dla sumiesnych vučeńniaŭ9

U Minsku z aŭkcyjonu pradajuć kvateru płyŭčychi Alaksandry Hieracimieni5

«My sustreli zachad, my sustreli śvitanak». Žančyna raskazała, kolki hadzin stajała ŭ čarzie, kab vyjechać ź Biełarusi ŭ Litvu21

Chrysta Hrozieŭ: ad ramantyka-radyjoamatara da čałavieka, jaki vykryŭ samyja zmročnyja tajamnicy HRU i FSB. Jak jaho vierbavała śpiecsłužba Luksiemburha i jak jon vymušany chavacca ciapier

U lipieni vypała amal u paŭtara razy bolej apadkaŭ, čym zvyčajna1

Zasnavalnica pryvatnaha miedcentra raskazała, jak schudnieła na 25 kiłahram i ledź nie pamierła ad «Aziempika»12

U Tulskaj vobłaści eks-bajec uzarvaŭ hranatu, jakuju pryciahnuŭ z vajny va Ukrainie. Zahinuli čatyry čałavieki4

«Uvieś čas paŭtaraŭ słova «Vałyń». U Polščy žorstka źbili siamiejnuju paru ź Biełarusi29

bolš čytanych navin
bolš łajkanych navin

Na kanviercie Cichanoŭskaj napisana «Miedviediu O.V.» Što heta za čałaviek?

Na kanviercie Cichanoŭskaj napisana «Miedviediu O.V.» Što heta za čałaviek?

Hałoŭnaje
Usie naviny →

Zaŭvaha:

 

 

 

 

Zakryć Paviedamić