«Vy nie z zachodniaj Ukrainy?» Kirył vyśmiejaŭ śviatara, jaki skazaŭ, što Carkva pavinna zajmacca vieraj, a nie patryjatyzmam
Kiraŭniku RPC na schodzie sa śviaščeńnikami Maskoŭskaj mitrapolii zadali nie vielmi zručnaje pytańnie.
Patryjarch Kirył vyśmiejaŭ śviatara, jaki zadaŭ jamu pytańnie ab «patryjatyčnaj tendencyi» ŭ Ruskaj pravasłaŭnaj carkvie.
Dyjałoh zdaryŭsia na jeparchijalnym schodzie Maskoŭskaj mitrapolii. Videa z sustrečy apublikavaŭ Andrej Kurajeŭ.
Pytańnie patryjarchu zadaŭ śviatar Alaksiej Šlapin z Mažajska.
«Ja nie zhodny z takoj patryjatyčnaj tendencyjaj u carkoŭnych adnosinach. […] Abaviazak śviatara — vieści ludziej u Carstva Niabiesnaje, a nie patryjatyzmam zajmacca», — skazaŭ śviatar.
Kiraŭnik RPC u adkaz zaśmiajaŭsia.
«Voś heta vydatna, tak? Pieršy raz takoje čuju! Vy, baciuška, nie z zachodniaj Ukrainy vypadkova? Idzicie, siadźcie i surjozna padumajcie pra ŭsio toje, što vy zaraz tut lapnuli», — zajaviŭ Kirył.
Paśla jaho słoŭ usia zała, u jakoj znachodzilisia ŭ asnoŭnym śviatary, zaśmiajałasia i zaapładziravała.
Ciapier čytajuć
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3636
Kamientary