Vaśmikłaśnik vypiŭ na ŭroku mocnaje snatvornaje «dla darosłych» i zasnuŭ
U siecivie źjaviłasia infarmacyja pra incydent: u piatnicu školnika zabrała chutkaja dapamoha. Pryčynaj jahonaha drennaha samaadčuvańnia stali snatvornyja preparaty.
Va ŭpraŭleńni pa adukacyi Pieršamajskaha rajona infarmacyju paćvierdzili i ŭdakładnili, što chłopčyka dastavili ŭ Minskuju abłasnuju dziciačuju kliničnuju balnicu kala 11 hadzin piatnicy, pišuć Minsk-naviny.
— Na ŭroku matematyki piedahoh zaŭvažyła, što vučań 8-ha kłasa pačuvajecca drenna: jon źbialeŭ i vielmi chacieŭ spać. Niepaŭnaletniaha adviali ŭ miedpunkt i vyklikali chutkuju dapamohu. Pavodle papiarednich danych, jon vypiŭ paŭtary tabletki snatvornaha, jakoje ŭ škołu prynios inšy vučań, — raspaviali ŭ rajonnym upraŭleńni pa adukacyi.
Taksama paviedamlałasia, što školnik navat upaŭ.
Ciapier samaadčuvańnie školnika zadavalniajučaje, ale da 10 lutaha jon zastaniecca pad nahladam miedykaŭ. Pa hetym fakcie viadziecca pravierka, u tym liku z udziełam pradstaŭnikoŭ Pieršamajskaha RUUS. U škołu vyklikali baćkoŭ.
Miarkujecca, što snatvornym byŭ preparat «zapikłon» (pradajecca jak «sonieks», «samnoł»), heta vielmi mocnaje snatvornaje, jakoje vypisvajecca tolki z 18 hadoŭ.
Kamientary