Mahiloŭski abłasny sud u vieraśni asudziŭ 19-hadovaha palitźniavolenaha Daniiła Harasima da 10 hadoŭ kałonii i štrafu pamieram u 600 bazavych vieličyniaŭ (24 000 rubloŭ), piša «Viasna».
Chłopca pryznali vinavatym pavodle č. 1 art. 361-3 KK (Udzieł na terytoryi zamiežnaj dziaržavy va ŭzbrojenym farmavańni abo ŭzbrojenym kanflikcie, vajennych dziejańniach, viarboŭka abo padrychtoŭka asob da takoha ŭdziełu), č. 1 art. 356 KK (Zdrada dziaržavie), č. 2 art. 295 KK (Niezakonnyja dziejańni ŭ adnosinach da ahniastrelnaj zbroi, bojeprypasaŭ i vybuchovych rečyvaŭ). Praces u zakrytym režymie vioŭ sudździa Ihar Ziamcoŭ.
Daniił — 19-hadovy junak. Zhodna z prapahandysckim filmam ANT, jaho abvinavačvali ŭ «zdradzie dziaržavie» za toje, što jon fatahrafavaŭ vajskovyja abjekty ŭ Asipovičach i sprabavaŭ pieradać «bašmak» inicyjatyvie «Supraciŭ». U filmie pakazali, jak za im sačyli siłaviki.
Pa infarmacyi «Viasny», Viarchoŭny sud 3 śniežnia razhledzieŭ apielacyjnuju skarhu palitviaźnia. Sudovaja kalehija pad staršynstvam sudździ Alaksandra Rybakova pakinuła prysud Daniiłu ŭ sile, a skarhu — biez zadavalnieńnia. U chutkim časie chłopca etapujuć dla adbyćcia pakarańnia ŭ škłoŭskuju kałoniju № 17.
Sudziać 19-hadovaha chłopca, jaki pavioŭsia na pravakacyju KDB. Jamu pahražaje da piatnaccaci hadoŭ kałonii
Siłaviki zatrymali siemiarych padletkaŭ, jakich vinavaciać u teraryźmie i zdradzie dziaržavie
19-hadovaha palitviaźnia siońnia stali sudzić za «zdradu dziaržavie»
19-hadovaha palitviaźnia chutka pačnuć sudzić za «zdradu dziaržavie»
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary