Novaja Ziełandyja ŭpieršyniu z Druhoj suśvietnaj vajny straciła karabiel u mory
Sudna za 100 miljonaŭ dalaraŭ sieła na miel i zatanuła la bierahoŭ Samoa.
Karaleŭski fłot Novaj Ziełandyi ŭpieršyniu z časoŭ Druhoj suśvietnaj vajny straciŭ svoj karabiel.
Sudna HMNZS Manawanui, jakoje zajmajecca dajvinham i zdymkaj akijana, trapiła ŭ avaryju prykładna ŭ adnoj marskoj mili ad vostrava Upołu ŭviečary ŭ subotu padčas praviadzieńnia abśledavańnia ryfa, piša Bi-bi-si.
Sudna sieła na miel la bierahoŭ Samoa, zaharełasia pieraviarnułasia i zatanuła. Usie 75 čałaviek, jakija znachodzilisia na borcie, byli evakujavanyja na vyratavalnych šlupkach i vyratavanyja rana ranicaj u niadzielu.
Čynoŭniki zajavili, što pryčyna incydentu nieviadomaja i budzie rasśledavanaja. Katastrofa adbyłasia ŭ niepahodlivaje i vietranaje nadvorje.
Vajskoŭcy zajavili, što vyratavalnikam daviałosia zmahacca z płyniami i viatrami, jakija adkidali vyratavalnyja płyty i marskija łodki da ryfaŭ, a chvali ŭskładniali vyratavalnyja pracy. Abśledavańnie hetaj terytoryi nie pravodziłasia z 1987 hoda.
Ministr abarony Džudzit Kolinz na pres-kanfierencyi acharaktaryzavała incydent jak «sapraŭdy sumny dzień dla VMS».
«Ale ŭsie spravilisia, i ja pavinna skazać, što heta zasłuha prafiesijanalizmu [ekipažnaj hrupy], padrychtoŭki i ich ułasnaj mužnaści», — dadała jana.
Dejv Puł, jaki byŭ śviedkam pažaru sudna, raspavioŭ ahienctvu navin Reuters: «Kali my ŭvajšli ŭ zaliŭ, my ŭbačyli sudna, ale nie dym. Praz 15 chvilin byli bačnyja ahoń i dym. Nieŭzabavie paśla hetaha sudna zatanuła».
Karabiel HMNZS Manawanui staŭ pieršym nienaŭmysna zatoplenym vajennym sudnam Novaj Ziełandyi z tych časoŭ, jak kraina ŭdzielničała ŭ marskich bitvach padčas Druhoj suśvietnaj vajny.
Za minuły pieryjad pa roznych pryčynach było naŭmysna zatoplena jašče niekalki karabloŭ, u tym liku dla vykarystańnia ŭ jakaści abjekta dla dajvinha abo ŭ jakaści štučnaha ryfa.
Vajskoŭcy zajavili, što ciapier ich namahańni nakiravanyja na sprobu vyratavać sudna i minimizavać uździejańnie zatapleńnia na navakolnaje asiarodździe.
-
Tramp ściahvaje da Irana vializnuju armadu i pahražaje novymi ŭdarami
-
Maci kinuła troch dziaciej u klatčastych torbach u roznych miescach. Jany znajšli adno adnaho praź dziasiatki hadoŭ
-
Pierad biełaruskaj unijackaj carkvoj u Antvierpienie pakinuli kanistru ź bienzinam i piratechnikaj. Padazravanaha zatrymali
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu5
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary