Na dumku prakurora, Ruta budzie składana abvinavacić u złačynstvie kankretna suprać Trampa.
Rajnu Rutu, padazravanamu ŭ zamachu na kandydata ŭ prezidenty ZŠA Donalda Trampa, vystavili abvinavačvańni ŭ niezakonnym vałodańni zbrojaj, paviedamlaje Radyjo Svaboda.
Abvinavačvańnie źmiaščaje dva punkty: zachoŭvańnie ahniastrelnaj zbroi, byŭšy asudžanym, i zachoŭvańnie zbroi sa ściortym sieryjnym numaram.
Na dumku prakurora Pałm-Bič, Ruta budzie składana abvinavacić u złačynstvie kankretna suprać Trampa. Adlehłaść, na jakoj padazravany znachodziŭsia padčas mierkavanaha zamachu — ad 300 da 500 mietraŭ — zanadta vialikaja dla zdahadki, što Rut celiŭsia mienavita ŭ byłoha prezidenta.
Słuchańnie pa spravie pryznačanaje na nastupny paniadziełak.
Pa danych ŚMI, za Rutam ličacca niekalki pravaparušeńniaŭ. Jon taksama raspaviadaŭ ŚMI, što sprabavaŭ vierbavać byłych sałdat afhanskaj armii dla słužby va USU i pravioŭ u 2022 hodzie niekalki miesiacaŭ na ŭkrainskaj terytoryi.
Sproba zamachu była praduchilena paśla taho, jak ahient sakretnaj słužby adkryŭ papieradžalny ahoń pa kustach, navakolnym pole dla holfa, zaŭvažyŭšy siarod zielaniny rulu aŭtamata. Tramp u hety momant hulaŭ u holf.
Rut pasprabavaŭ uciačy na aŭtamabili, ale byŭ nieŭzabavie zatrymany. U kustach za rašecistaj aharodžaj, jakaja adździalaje holf-kłub ad šašy, była znojdziena paŭaŭtamatyčnaja vintoŭka sa snajpierskim prycełam, a taksama videakamiera.
Matyvy dziejańniaŭ Ruta dahetul nieviadomyja. Pa dadzienych Associated Press, u 2020 hodzie jon pisaŭ u sacsietkach ab padtrymcy kandydatury Donalda Trampa, ale ŭ apošni čas byŭ prychilnikam Džo Bajdena i Kamały Charys.
Ciapier čytajuć
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju12
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary