U Hrodnie sotnia čałaviek zmahałasia za bukiet niaviesty. Pryčym jany nie byli haściami na viasielli
Masavaja cyrymonija kidańnia bukieta niaviesty prajšła 7 vieraśnia ŭ Dzień horada. I atrymałasia jana absalutna spantannaj.
Darja i Alaksiej hulali viasielle 7 vieraśnia — jakraz u toj dzień, kali ŭ Hrodnie śviatkavali Dzień horada.
Viasielle para płanavała za hod, ale ŭ arhanizacyju ŭmiašalisia žyćciovyja abstaviny, cyrymonija była na miažy admieny. Adnak maładyja ŭsio ž vyrašyli nie pieranosić datu i adznačyć padzieju ŭdvaich. Kali para vybirała datu, maładyja i nie dumali, što ŭ hety dzień u horadzie budzie śviata, piša newgrodno.by.
Paśla ZAHSa i fotasiesii ŭžo muž i žonka adpravilisia ŭ hatel, vokny ich numara vychodzili na Savieckuju płošču. Jakraz tam hrodziency śviatkavali Dzień horada. Para pieryjadyčna vychodziła na bałkon patančyć pad muzyku śviatočnaha kancerta.
Minaki na płoščy zaŭvažali maładych — rabili kamplimienty niavieście i vinšavali ź viasiellem. I tady Darja vyrašyła zładzić cyrymoniju kidańnia bukieta niaviesty prosta z bałkona.
Usio atrymałasia spantanna. Na cyrymoniju raptam sabraŭsia natoŭp z sotni čałaviek. Paśla niepraciahłaj baraćby bukiet dastaŭsia, što nie zusim zvyčajna, maładomu chłopcu.
Jon pieramožna ŭskinuŭ ruki ŭvierch i pakinuŭ płošču ŭ asiarodździ siabroŭ.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary