U Kanadzie bulterjer napaŭ na dzikabraza — i atrymaŭ 1500 ihołak
Dvuchhadovaha stafardšyrskaha bulterjera pa mianušcy Brut kinuli haspadary. Jon staŭ błukać pa terytoryi indziejcaŭ blizu horada Edmantan (Kanada).
Sabakam avałodaŭ ci to hoład, ci to žadańnie pahulacca: jon vysačyŭ dzikabraza, zabraŭsia da jaho ŭ biarłohu i pasprabavaŭ napaści. Toj usadziŭ u kryŭdziciela ŭvieś svoj arsienał ihołak, piša Bild.
Miascovyja žychary znajšli Bruta z šypami pa ŭsioj mordzie, paści i vačach. Jany vyklikali zoaabaroncaŭ z arhanizacyi Paws Up Program( PUP), tyja advieźli niebaraku da vieterynara. Z mordy dastali kala 1500 ihołak. Siem ź ich akazalisia ŭ levym voku sabaki, jaho pryjšłosia vydalić.
Ciapier Brut žyvie ŭ prytułku i čakaje novych haspadaroŭ.
«Jon dobra ładzić ź dziećmi i inšymi sabakami, choć jaho i treba karmić asobna. Jaho vilajučy chvost i łaskavy charaktar zrobiać jaho vydatnym dadatkam da luboj siamji», — piša PUP.
Kamientary