U niebie nad Biełaruśsiu zaŭvažyli niezvyčajnaje śviačeńnie. Što heta było?
Napiaredadni viečaram u sacsietkach źjavilisia kadry nieapaznanaha latalnaha abjekta, jaki možna było razhladzieć niaŭzbrojenym vokam. Adrazu źjavilisia viersii, što heta niešta zvyšnaturalnaje, ale nasamreč usio tłumačycca vielmi prosta, piša Telegraf.news.
Nasamreč heta była modulnaja rakieta Ariane 6 jeŭrapiejskaha kansorcyuma Arianespace, jakuju zapuścili ŭ Francuzskaj Hvijanie ŭ 16:00 pa miascovym časie.
Hetaja rakieta, startavaŭšy na paŭnočnym uschodzie Paŭdniovaj Amieryki, zrabiła jak minimum try vitki vakoł Ziamli. Miarkujučy pa časie, nad Biełaruśsiu jaje možna było ŭbačyć padčas druhoha ź ich.
Pieršapačatkova płanavałasia, što start adbudziecca a 15:00 pavodle miascovaha času (21:00 pavodle Minska), adnak paśla taho, jak u vyniku pravierki śpiecyjalisty vyjavili «nievialikuju prablemu», palot adkłali na hadzinu da 22:00 pavodle biełaruskaha času.
Na borcie rakiety było 17 «pasažyraŭ», u tym liku 11 univiersiteckich mikraspadarožnikaŭ, a taksama spuskalnyja kapsuły i nievialikija navukovyja ekśpierymientalnyja instrumienty. Misija budzie ličycca paśpiachovaj paśla taho, jak šmatrazovy razhonny błok rakiety ŭpadzie ŭ Cichi akijan.
U hetym hodzie zapłanavany jašče adzin zapusk Ariane 6, u 2025 hodzie — šeść, a ŭ 2026 hodzie — jašče vosiem.
«Vielmi pryhoža, ja bačyła. Dumała, kukucha pajechała paśla pracy», — napisała pad videa vidavočcaŭ z tyktoka adna biełaruska. A inšaja dadała: «U Rahačovie taksama nazirali hetuju štuku, napeŭna, chvilin z 30. I źziańnie, i jak byccam vybuch — usio pralatała i źmianiała śviačeńnie».
Vyšynia Ariane 6 składaje 56 mietraŭ, a jaje start zabiaśpiečvali, jak paviedamiŭ kiraŭnik prajekta startavaj bazy ESA Mišel Rycy, bolš za 200 ekśpiertaŭ. Jany raźmiaścilisia ŭ najbližejšym bunkiery. Achoŭvała miesca zapusku taksama vialikaja kolkaść vajskoŭcaŭ, u tym liku try źniščalniki.
Kampanija Iłana Maska budzie spuskać z arbity Mižnarodnuju kaśmičnuju stancyju
U Biełarusi pradstavili «kaśmičnaje» maroziva dla imunitetu pa ekśpierymientach Vasileŭskaj
Astranaŭt Uiljam Anders zahinuŭ u avijakatastrofie va ŭzroście 90 hadoŭ, kirujučy samalotam
Hety čałaviek staŭ pieršym u historyi kasmanaŭtam, jaki pravioŭ na arbicie bolš za 1000 sutak
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary