Łukašenka nazvaŭ śpikiera rasijskaj Dziarždumy starejšym bratam i amal pracytavaŭ Baradulina
Viačasłaŭ Vałodzin pryjechaŭ na parad.
Alaksandr Łukašenka pravioŭ sustreču sa staršynioj rasijskaj Dziarždumy Viačasłavam Vałodzinym.
Śpikier nižniaj pałaty parłamienta RF pryjechaŭ u Minsku na daručeńnie Uładzimira Pucina — kab uziać udzieł u śviatkavańni 3 lipienia.
«Vam, majmu starejšamu bratu, siabru, vialiki dziakuj za toje, što Rasija pradstaŭlenaja na hetym našym ahulnym śviacie — Dni niezaležnaści Biełarusi — vysokaj dziaržaŭnaj delehacyjaj», — adznačyŭ Łukašenka ŭ razmovie z Vałodzinym.
Palityk paskardziŭsia, što pravodzić takuju sustreču z kiraŭnikom Dziarždumy ŭpieršyniu.
«Majem znosiny vielmi časta ŭ ahulnym i pa spravach, a takim čynam, napeŭna, pieršy raz.
Vy prosta ŭ Minsku pavinny byvać čaściej.
My zaŭsiody budziem rady vas bačyć», — zaŭvažyŭ Łukašenka.
Łukašenka taksama zakranuŭ situacyju vakoł u Biełarusi. Jon zajaviŭ, što krainam Zachadu «nie tryvajecca ŭciahnuć Biełaruś u razborki, raściahnuć pa miažy». Łukašenka kanstatavaŭ, što situacyja surjoznaja, i rassłablacca nielha.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam11
Kamientary