Biełaruski futbalist pataptaŭsia pa druhim, 17-hadovym. Stała viadoma, jak jaho pakarali
U adnym z matčaŭ čempijanata Biełarusi pa mini-futbole adbyŭsia skandalny vypadak. U adnym z hulniavych epizodaŭ vopytny hulec Dźmitryj Łoś, člen biełaruskaj zbornaj, nastolki zachapiŭsia baraćboj, što nastupiŭ na supiernika ŭ toj momant, kali toj užo lažaŭ na parkiecie. Prytym vyhladała tak, što zrabiŭ heta naŭmysna.
U hetym matčy, jaki prachodziŭ u Barysavie, hulali miascovy kłub «Barysaŭ-900», jaki išoŭ na dziaviatym miescy, i pretendent na zołata — homielski «VRZ».
Matč skončyŭsia poŭnym razhromam haspadaroŭ ź likam 11:2, i ciaham usiaho matča homielcam ničoha nie pahražała. Tym bolš dziŭna, što hulec «VRZ» Dźmitryj Łoś pavodziŭ siabie až nastolki hruba.
Pry hetym sudździa matča na epizod nie adreahavaŭ, hulec navat nie atrymaŭ za svaje niespartyŭnyja pavodziny žoŭtaj kartki.
Tym nie mienš, «Barysaŭ-900» padaŭ skarhu ŭ dyscyplinarny kamitet Biełaruskaj asacyjacyi mini-futbołu, dzie, prahladzieŭšy videazapis, pryniali rašeńnie dyskvalifikavać futbalista-hrubijana da zakančeńnia siezona-2023/24. Pry hetym uličvałasia i toje, što Dźmitryj Łoś užo mieŭ umoŭnuju dyskvalifikacyju ŭ minułym siezonie.
Alaksiej Kuźniacoŭ, paciarpieły hulec barysaŭskaj kamandy, maje, darečy, usiaho 17 hadoŭ.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary