Francyja padpisała abaronnuju damovu z Małdovaj na fonie pahroz z boku Rasii
Emaniuel Makron abiacaje «niepachisnuju padtrymku» ŭ abaronie suvierenitetu susiedniaj z Ukrainaj krainy.
Jak piša The Financial Times, dvuchbakovyja pahadnieńni padpisany praz tydzień paśla taho, jak Prydniastroŭje źviarnułasia pa ekanamičnuju dapamohu da Maskvy, što nahadvaje zaklik sieparatystaŭ uschodu Danbasu ŭ pačatku rasijska-ŭkrainskaha kanfliktu ŭ 2014 hodzie. U apošnija dni rasijskija aficyjnyja asoby paraŭnoŭvali prajeŭrapiejskaje kiraŭnictva Małdovy z kiraŭnictvam Ukrainy.
«Siońnia linija frontu — heta Ukraina ŭ bitvie za Jeŭropu, za ŭsio, što nam darahoje i što my abaraniajem. Na kartu pastaŭlena naša ahulnaja biaśpieka. Kali ahresara nie spynić, jon budzie praciahvać, i linija frontu budzie ŭsio bližej. Bližej da nas. Bližej da vas», — cytuje vydańnie słovy prezidenta Małdovy Mai Sandu paśla padpisańnia pahadnieńnia ŭ Paryžy.
U svaju čarhu Emaniuel Makron zapeŭniŭ, što Francyja budzie akazvać «niepachisnuju padtrymku niezaležnaści, suvierenitetu i terytaryjalnaj cełasnaści Małdovy.
Abaronnaje pahadnieńnie ŭklučaje ŭ siabie raźmiaščeńnie francuzskaha vajennaha pradstaŭnika ŭ Małdovie, a taksama prahramy navučańnia i pastaŭki zbroi. Paryž taksama paabiacaŭ inviestavać u małdaŭskija enierhietyčnyja prajekty, pryrodnyja resursy i čyhunačny transpart.
Čytajcie jašče:
Makron hatovy adpravić armiju Francyi paśla praryvu frontu da Adesy ci Kijeva
Kiraŭnik raźviedki Małdovy zajaviŭ pra płany Rasii pieraškodzić jaje ŭstupleńniu ŭ ES
Ciapier čytajuć
Prakuror prosić dla eks-pamočnika Łukašenki Ihara Bryło 12 hadoŭ źniavoleńnia4
Kamientary