Siamiejnaj pary dali «chatniuju chimiju» za ŭdzieł u akcyi pratestu. Jany ŭnieśli zakład
Sud Savieckaha rajona Minska 18 studzienia vynies prysud Vitalu i Aksanie Karažanam, abvinavaciŭšy ich pa «narodnym» (342 artykule) za ŭdzieł u akcyi pratestu vosieńniu 2020 hoda. Spravu razhladała sudździa Volha Jemieljančykava.
Paśla zatrymańnia na troje sutak ich vyzvalili da sudu pad zakład, pryčym Aksana Karažan uniesła 5 500 rubloŭ, a Vital — 11 100 rubloŭ, piša «Viasna».
Pa materyjałach abvinavačańnia palitźniavolenyja Vital i Aksana, «bieručy ŭdzieł u mierapryjemstvie, znachodzilisia siarod hrupy asob na praśpiekcie Pieramožcaŭ i vulicy Lenina, vychodzili na prajeznuju častku daroh u Minsku, u vyniku čaho błakavali i zastupali šlach transpartnym srodkam, što paciahnuła parušeńnie pracy hramadskaha transpartu, jakoje vyjaviłasia ŭ jaho spynieńni. Bieručy ŭdzieł u masavym mierapryjemstvie, łozunhi nie vykrykvali».
16 lutaha Aksana i Vital byli ŭniesienyja ŭ pieralik hramadzian Biełarusi, zamiežnych hramadzian i asob biez hramadzianstva, jakija majuć dačynieńnie da ekstremisckaj dziejnaści.
Sud pryznačyŭ abodvum pakarańnie pa dva z pałovaj hady chatniaj chimii.
«Spytajcie ŭ ich, narešcie, što jany chočuć za našych ludziej!» Harbunova zaklikała mižnarodnuju supolnaść nakiravać ekśpiertaŭ u kałonii
U Breście ajcišnika sudzili za danat pałku Kalinoŭskaha, zrobleny ź biełaruskaj kartki
«Kožnuju noč ja kažu: «Syna, dabranač». Jak biełarusy pieražyvajuć zatrymańni svaich blizkich
Chto takaja Alesia Parchomienka z Kipra, jakaja raźviazała biełaruska-biełaruskuju vajnu88
Chto takaja Alesia Parchomienka z Kipra, jakaja raźviazała biełaruska-biełaruskuju vajnu
«Doktarka», advakat, čałaviek z kamieraj i niekalki dužych chłopcaŭ. U Pietrapaŭłaŭskaj Barščahoŭcy rasijskija śpiecsłužby skarystalisia śpiecyfičnym ukrainskim biznesam vajennaha času1515
Kamientary