Ministr ŽKH raskazaŭ, jak chutka pavinny rasčyščać biełaruskija harady i vioski ad śniehu
Hienadź Trubiła kaža, što ŭvaha najpierš źviartajecca na padychody, prajezdy hramadskaha transpartu, na rasčystku prypynkaŭ, na padjezdy da ŭstanoŭ achovy zdaroŭja, adukacyi.
Ministr Hienadź Trubiła ŭ intervju na ANT raskazaŭ, na praciahu jakoha času ad śniehu pavinny rasčyščać vulicy ŭ našaj krainie.
«Zaviaršeńnie rabot pa rasčystcy — ad 8 hadzin — heta centralnyja vulicy, da 22 hadzin — u małych nasielenych punktach i sielskich vulicach. I jašče vielmi dobraja dapamoha — heta, viadoma, zvarot hramadzian praz słužbu 115: my bačym zvarot u tym ci na nasielenym punkcie, kab pryniać peŭnyja miery i akcentavać uvahu bolš za ŭsio na hetym», — paviedamiŭ Trubiła.
Jon taksama raskazaŭ, što ŭ pieršuju čarhu, uvaha źviartajecca na padychody, prajezdy hramadskaha transpartu, na rasčystku prypynačnych punktaŭ, na padjezdy da ŭstanoŭ achovy zdaroŭja, adukacyi, na rasčystku kantejniernych placovak, kab vyvieźci ćviordyja kamunalnyja adkidy
«Dapamohu ŭ małych nasielenych punktach akazvajuć i sielskija vykankamy ŭ asobie sielhaspradpryjemstvaŭ, i ciapier technika sielhaspradpryjemstva nie zusim zadziejničana, tamu kožny nasieleny punkt na praciahu sutak rasčyščajecca», — zapeŭniŭ kiraŭnik ministerstva ŽKH.
Ciapier čytajuć
Što viadoma pra biełarusa, jaki zahinuŭ la Elbrusa6
Što viadoma pra biełarusa, jaki zahinuŭ la Elbrusa
Hrodzienskaha padletka adpravili ŭ škołu ŭ Litvu — jon vyvučyŭ litoŭskuju i ciapier pierakładaje ŭ Jeŭraparłamiencie. Pierakładaŭ jon i Cichanoŭskich3030
Kamientary