Ciapier i Pucin zahavaryŭ pra prybiralni i nazvaŭ ich pryčynaj viartańnia emihrantaŭ u Rasiju
Pucin zajaviŭ, što mnohija rasiejcy viartajucca z emihracyi z-za ahulnych prybiralniaŭ dla chłopčykaŭ i dziaŭčynak. Miž tym, mienavita takuju prybiralniu znajšli ŭ škole ŭ Jakucii. Prajektnuju dakumientacyju škoły biez raździelnych prybiralniaŭ zaćvierdziła administracyja Tacinskaha ŭłusa, pišuć «Važnyje istorii».
Mnohim rasijanam, jakija zjechali na Zachad, ciažka hadavać tam dziaciej, zajaviŭ Uładzimir Pucin. Adnoj z pryčyn jon nazvaŭ adsutnaść paasobnych prybiralniaŭ dla chłopčykaŭ i dziaŭčynak.
«Ciažka hadavać dziaciej u tych umovach, jakija ŭ niekatorych krainach Zachadu siońnia stvarajucca. Vybačycie, ahulnyja tualety dla chłopčykaŭ i dziaŭčynak, jašče niešta takoje. <…> Tyja, chto kaliści zjechaŭ pa roznych mierkavańniach, mnohija viartajucca ci dumajuć viarnucca. Vielmi ciažka žyć u takich umovach dla ludziej z tradycyjnymi, narmalnymi čałaviečymi kaštoŭnaściami», — skazaŭ Pucin na forumie «Małaja radzima — siła Rasii».
Napiaredadni jakucki telehram-kanał «Tarboznaje radyjo» paviedamiŭ, što paasobnych prybiralniaŭ niama ŭ škole ŭ jakuckim siale Ytyk-Kiujel, heta vyjaviła prakuratura Tacinskaha ŭłusa. 6 vieraśnia minułaha hoda jana abaviazała miascovuju administracyju prybrać parušeńnie, ale hetaha zroblena nie było.
U niadzielu hubiernatar Sankt-Pieciarburha Alaksandr Biahłoŭ havaryŭ pra «hienderna niejtralnyja prybiralni», jakija nibyta bačyli ŭ škołach na akupavanych terytoryjach Ukrainy rasijskija vajskoŭcy. «[Vajskoŭcam] nie treba tłumačyć, jakija kaštoŭnaści my adstojvajem», — skazaŭ z hetaj nahody Biahłoŭ.
Ciapier čytajuć
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał66
Kamientary
uhu. mienavita.. niaboś draŭlanaja ź dzirkaj u pału cipa sarcir