U viadomaha biełaruskaha tenisista, eks-pieršaj rakietki śvietu ŭ parnym razradzie, dziesiacirazovaha ŭładalnika tytułaŭ «Vialikaha šlema», alimpijskaha čempijona Maksima Mirnaha dyjahnastavana złajakasnaja puchlina, paviedamili Smartpress.by infarmavanyja krynicy.
Spartsmienu praviali trepanacyju čerapa i vydalili puchlinu ŭ adnoj ź minskich balnic. «Apieracyja doŭžyłasia 8 hadzin i prajšła vielmi paśpiachova», — zaznačyła krynica.
Maksim źviarnuŭsia da daktaroŭ sa skarhami na hałaŭnyja boli krychu bolš za miesiac tamu. Praviedzienaje MRT paćvierdziła niesuciašalny dyjahnaz.
Da dnia apieracyi ŭ Biełaruś, kab padtrymać spartsmiena, pryjechali žonka Maksima i čaćviora jahonych dziaciej.
Pa słovach surazmoŭcaŭ vydańnia, spartsmien dobra pieranios apieracyju.
Ciapier Maksim ź siamjoj źjechaŭ ź Biełarusi dla praciahu lačeńnia.
U kancy kastryčnika Maksim Mirny viarnuŭsia ŭ Biełaruś i paśla bolš čym troch hadoŭ maŭčańnia apublikavaŭ karotki post u instahramie, dzie prychilna vykazaŭsia pra toje, što režym Łukašenki siońnia robić dla raźvićcia sportu.
Jon pakajaŭsia za toje, što ŭ 2020-m publična padtrymaŭ biełaruski narod, a nie režym Łukašenki. U žniŭni 2020 hoda, kali ŭ Biełarusi paśla sfalsifikavanych prezidenckich vybaraŭ razharelisia pratesty, jon vystupiŭ suprać hvałtu i zaklikaŭ mižnarodnuju supolnaść dapamahčy jaho spynić. Toj pratesny post byŭ vydaleny ź instahrama Mirnaha tolki ŭ kancy lutaha 2021 hoda.
«Ja nie spraviŭsia. Ja žyvy čałaviek. My ŭsie schilnyja rabić pamyłki. Ja škadavaŭ pra svoj emacyjny vystup. Siońnia, viarnuŭšysia ŭ maju zvykłuju Biełaruś, ja adčuvaju siabie spakajniej i bolš upeŭniena», — skazaŭ Mirny dziaržaŭnamu telebačańniu ŭ kastryčniku.
«Ja lublu svoj horad. Ja lublu svaju krainu. Ja ź vialikim honaram nazyvaju siabie biełarusam. <> Ja z aptymizmam hladžu ŭ budučyniu», — dadaŭ jon.
-
Biełarusy, jakim nie ŭdałosia atrymać adukacyjnyja dakumienty na radzimie, mohuć pastupać u polskija VNU pa śpiecyjalnaj pracedury
-
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić
-
Karajeŭ užo nabraŭ na Hrodzienščynie pieršy ŭzvod niadbajnych ahraryjaŭ
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić1
Kamientary