Infarmacyja i suviaź apošnija hady znachodzilisia ŭ top-3 samych rentabielnych halin ajčynnaj ekanomiki. Adnak sioleta jaje efiektyŭnaść stała źmianšacca, piša sajt thinktanks.by.
Za vosiem miesiacaŭ siaredniaja rentabielnaść prodažu ŭ IT-siektary źniziłasia na 0,9 p.p., skłaŭšy 17,9%.
Vycieśniŭ ajcišnikaŭ z topu siektar kiravańnia nieruchomaj majomaściu, čyja rentabielnaść za toj ža pieryjad vyrasła na 1,6 p.p., jak śviedčać źviestki Biełstata.
Niečakana novym lidaram u 2023 hodzie taksama staŭ navukovy siektar, dadaŭšy ŭ rentabielnaści za vosiem miesiacaŭ 4,2 p.p.
Top-3 samych rentabielnych halin ciapier vyhladaje tak:
finansavaja i strachavaja dziejnaść (33,3 pracenta),
apieracyi ź nieruchomaj majomaściu (22,1 pracenta),
prafiesijnaja, navukovaja i techničnaja dziejnaść (18,3 pracenta).
Palepšyli svaju rentabielnaść na praciahu hetaha hoda takija haliny, jak «finansavaja i strachavaja dziejnaść» (na 3 p.p.) i «akazańnie inšych vidaŭ pasłuh» — na 2,5 p.p.
A voś niaŭdałym sioletni hod staŭ dla lasnoha siektara, čyja rentabielnaść za vosiem miesiacaŭ abvaliłasia na 9,4 p.p., a taksama dla handlu (minus 4,5 p.p.), hornazdabyŭnoj pramysłovaści (minus 4,5 p.p.) i sielskaj haspadarki (minus 3,0 p.p.).
Antyrejtynh samych nizkarentabielnych halin uznačalvaje handal, dzie ŭrad administracyjna trymaje ceny:
roźničny handal (1,0%),
aptovy handal (1,4%),
hornazdabyŭnaja pramysłovaść (2,7%).
U cełym pa ekanomicy za vosiem miesiacaŭ siaredniaja rentabielnaść prodažu ŭ kampanij skłała 7,4%. U 2022 hodzie pakazčyk byŭ vyšejšy — 8,9%.
«Dzie biełaruski dziaržaŭny štučny intelekt?» Azaronak ź Piatroŭskim dakazvali, čym siłaviki karyśniejšyja za prahramistaŭ, nie abyšłosia bieź isteryki
U Hrodnie zatrymali ajcišnika. Znoŭku za kamientary ŭ telehram-čatach
«Daviedałasia, što vyklikajuć u KDB». Jak ajcišniki vyvozili hrošy ŭ 2023 hodzie
Alimpijski čempijon Aramnaŭ: Nam vyhadnaja praciahłaja vajna, i Vova dy Saša ŭ joj pieramohuć24
Kamientary