«Naša kraina — siamja, dzie jość «baćka». Kačanavu ŭznaharodzili ordenam
Padčas forumu «Razmova ab važnym: ščaślivaja siamja — mocnaja dziaržava» ŭ połackim Safijskim sabory staršyni Savieta Respubliki Nacyjanalnaha schodu Biełarusi Natalli Kačanavaj uručyli orden śviatoj praviednaj Safii Słuckaj, paviedamlaje STB.
Jak piša kanał, taki forum — heta sumiesnaja inicyjatyva Savieta Respubliki i Biełaruskaj pravasłaŭnaj carkvy, pryśviečanaja «ŭmacavańniu statusu siamji i papularyzacyi tradycyjnych kaštoŭnaściaŭ».
U Safijskim sabory sabralisia šmatdzietnyja siemji, deputaty, pradstaŭniki duchavienstva, sistemy adukacyi, achovy zdaroŭja i sacyjalnaj śfiery — kala 300 čałaviek.
Śpikiery havaryli ab «umacavańni instytuta siamji, maciarynstvie i dziacinstvie, adkaznym baćkoŭstvie, mierach pa papiaredžańni chatniaha hvałtu».
«Tyja dziaržavy, jakija žyvuć svaimi tradycyjami i robiać usio na karyść svajho naroda, siońnia sprabujuć złamać. Ale našu krainu złamać niemahčyma, tamu što my adzinyja ŭ imknieńni zrabić usio samaje lepšaje dla roskvitu našaj dziaržavy. Naša kraina — siamja, dzie jość baćka, u jakoha ŭsio žyćcio pryśviečana narodu i krainie. Kab my žyli ŭ miry i spakoi – i heta tytaničnaja praca», — adznačyłasia novym vykazvańniem Kačanava.
Na sustrečy Kačanava ŭručała padziaki. A paśla jana sama «za ŭzajemadziejańnie z pravasłaŭnaj carkvoj» była ŭznaharodžana ordenam Biełaruskaj pravasłaŭnaj carkvy śviatoj praviednaj Safii, kniahini Słuckaj. Uznaharoda prysudžajecca «za pracy na karyść pravasłaŭja».
-
Uradženku Biełarusi zavočna asudzili na 10 hadoŭ za arhanizacyju niezakonnaha refierendumu ab dałučeńni Chiersonščyny da Rasii
-
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ
-
«Čamu biełarus nie vyvučyć biełaruskuju movu? Heta prosta lanota». Vydaviec Jarasłaŭ Ivaniuk — pra vyšuk, KDB i moŭnyja vojny
Ciapier čytajuć
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ28
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2121
Kamientary
Kačanava - moj ideał nieparočnaj niaviesty