Łukašenka za dva hady pamiłavaŭ tolki 52 čałavieki, heta 8% ad tych, chto źviartaŭsia
U 2021-2022 na imia Alaksandra Łukašenki było padadziena 645 chadajnictvaŭ ab pamiłavańni. Pa hetych chadajnictvach pamiłavańnie atrymali tolki 52 čałavieki, paviedamiła namieśnica kiraŭnika jaho Administracyi, kiraŭnica kamisii ŭ pytańniach pamiłavańnia i vyzvaleńnia ad kryminalnaj adkaznaści Volha Čuprys.
«Za 2021-2022 hady kamisijaj było razhledžana 645 chadajnictvaŭ ab pamiłavańni — heta ŭvohule vielmi vialikaja ličba. Z hetych chadajnictvaŭ 52 byli zadavolenyja kiraŭnikom dziaržavy.
Stanam na žnivień miesiac kiraŭnikom dziaržavy byŭ pamiłavany kožny dziaviaty z tych, chto źviarnuŭsia. Da kanca hoda ŭ nas jašče adbudziecca jak minimum dźvie kamisii», — raskazała Čuprys u efiry telekanała STB.
Siońnia kamisija praviała vyjaznoje pasiadžeńnie ŭ kałonii №3 «Vićba». Było razhledžana 72 chadajnictvy, u tym liku try ad źniavolenych «Vićby».
Na STB pakazali adnaho z tych, chto prasiŭ pamiłavańnia, — Viktara Akušku. Paznačana, što jaho sudzili za karupcyju. Jon kaža, što jamu zastałosia siadzieć 10 miesiacaŭ, ale jość prablemy z sercam.
Akuška — były pieršy namieśnik dyrektara Departamienta enierhaefiektyŭnaści Dziaržaŭnaha kamiteta standartyzacyi. Kali mienavita jaho asudzili, nieviadoma. U miedyja jaho pierastajuć zhadvać jak namieśnika dyrektara departamienta ŭ 2018 hodzie, adznačaje Reform.by.
Kałonija «Vićba» admietnaja tym, što zvyčajna ŭ joj adbyvajuć pakarańnie čynoŭniki i siłaviki, jakija niečym pravinilisia pierad Łukašenkam.
Ministr, asudžany za chabar na 7,5 hoda, vierahodna, vyjšaŭ praz paŭtara — Biełsat
«Vaša prašeńnie budzie padpisanaje pry ŭmovie, što vy adrazu źjedziecie za miažu». Aleh Hruździłovič raskazaŭ, jak vyzvalaŭsia z kałonii
Asudžany na 13 hadoŭ Michaił Kryštapovič paprasiŭ pamiłavańnia ŭ Łukašenki i vyjšaŭ na volu, atrymaŭšy ŭ votčynu kałhas
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik39
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu77
Kamientary