Ułady KNDR vyrašyli departavać amierykanskaha vajskoŭca, jaki źbieh u hetuju krainu z Paŭdniovaj Karei
Ułady krainy departujuć amierykanskaha vajskoŭca Trevisa Kinha paśla zaviaršeńnia rasśledavańnia jaho «niezakonnaha» ŭjezdu ŭ krainu. U jakija terminy heta adbudziecca, nie ŭdakładniajecca, piša «Mieduza» sa spasyłkaj na Centralnaje telehrafnaje ahienctva KNDR.
23-hadovy šarahoviec armii ZŠA Trevis Kinh, jaki prachodziŭ słužbu ŭ Paŭdniovaj Karei, pierasiek miažu KNDR u siaredzinie lipienia. Niezadoŭha da ŭciokaŭ Kinha mielisia adchilić ad słužby i viarnuć u ZŠA «z dyscyplinarnych pryčynaŭ». Paviedamlałasia, što jon znachodziŭsia pad vartaj pa abvinavačvańni ŭ napadzie.
Paźniej ułady Paŭnočnaj Karei zajavili, što Kinh navažyŭsia pierajści ŭ KNDR z-za «antypatyi da biesčałaviečnych ździekaŭ i rasavaj dyskryminacyi ŭnutry Uzbrojenych sił ZŠA i rasčaravańnia ŭ nieraŭnapraŭnym amierykanskim hramadstvie».
U 2017 hodzie rozhałas atrymaŭ fakt śmierci studenta Ota Uormbira, jakoha ŭ Pchieńjanie asudzili na 15 hadoŭ za płakat. Baćki skazali, što syna mocna źbivali. Uormbira vyzvalili, i jon źjechaŭ u ZŠA, dzie vielmi chutka pamior.
Ciapier čytajuć
Chto takaja Alesia Parchomienka z Kipra, jakaja raźviazała biełaruska-biełaruskuju vajnu53
Chto takaja Alesia Parchomienka z Kipra, jakaja raźviazała biełaruska-biełaruskuju vajnu
«Doktarka», advakat, čałaviek z kamieraj i niekalki dužych chłopcaŭ. U Pietrapaŭłaŭskaj Barščahoŭcy rasijskija śpiecsłužby skarystalisia śpiecyfičnym ukrainskim biznesam vajennaha času1515
Kamientary