«Pačynajecca «smutny čas» sa šmatlikimi śmiarciami». Padalak prakamientavaŭ mierkavanuju śmierć Pryhožyna
Daradca kiraŭnika Ofisa prezidenta Ukrainy Michaił Padalak prakamientavaŭ «Mieduzie» mahčymuju hibiel Pryhožyna.
«Vielmi dziŭna vyhladaje imklivaje paćviardžeńnie pradstaŭnikami Rasavijacyi hibieli Pryhožyna. Zvyčajna paśla avijakatastrof heta zajmaje peŭny čas, kab dakładna supastavić, chto dakładna byŭ na borcie.
Tamu tut adno z dvuch: albo zaviedama viedajuć i naŭmysna paviedamlajuć, tamu što za niełajalnaść — śmierć. Albo heta šokavaja reakcyja i, jak vynik, parušeńnie ŭnutranych pratakołaŭ.
Adnak kali avijakatastrofa adbyłasia, to jana, biezumoŭna, paćviardžaje, što pačaŭsia novy etap va ŭnutranaj palitycy Rasii. Pačynajecca «smutny čas» sa šmatlikimi śmiarciami.
Pryčyn katastrofy z Pryhožynym — i nastupnych uzmacnieńniaŭ žorstkaści — niekalki.
Pa-pieršaje, červieński miaciež zanadta mocna napałochaŭ Pucina.
Pa-druhoje, miaciež całkam abnuliŭ reputacyju Pucina i siłavikoŭ, jakija nibyta ŭsio trymali pad tatalnym kantrolem.
Pa-treciaje, u toj momant, kali Pryhožyn spyniŭsia za 200 kiłamietraŭ ad Maskvy, a paśla niečakana paviarnuŭ nazad, jon dobraachvotna i staranna padpisaŭ sabie śmiarotny prysud. Pucin nie daruje nikomu lipkaha adčuvańnia ŭłasnaha strachu. Heta niemahčyma.
Takaja demanstracyjnaja likvidacyja [Pryhožyna] — pramy sihnał elicie, što žorstkija zabojstvy «svaich» u Rasii pačynajucca. Z pryčyny maštabnaj niervovaści, niedavieru, padazronaści, jakaja zachapiła Pucina.
Miarkuju, što heta taksama pramy sihnał zachodniaj elicie, što Pucin umieje mocna bajacca. Ale jon nie daruje «straty tvaru», abrazy padtrymkaj Ukrainy, ordara Mižnarodnaha kryminalnaha suda i h. d.
I tamu niapravilna skončanaja vajna, kampramisnyja varyjanty, čarhovyja minskija pahadnieńni — vialikaja prablema. Z nadzvyčajnymi nastupstvami. Pucin budzie pomścić. Hibrydna.
Narešcie, heta sihnał rasijskaj armii, što nijakich «hierojaŭ» nasamreč tam niama i što lubaja niełajalnaść budzie karacca śmierciu, i što mahčymyja tolki «paciešnyja hieroi». Hałoŭnaja zadača vojska — zabivać, pamirać i nie pałochać Pucina», — adznačyŭ ukrainski čynoŭnik.
Śledčyja razhladajuć niekalki viersij krušeńnia samalota Pryhožyna — RBK
Ratavalniki dastali z-pad abłomkaŭ «Embrajera» cieły siami čałaviek
Telekanał «Rasija 24» paviedamiŭ, što Pryhožyn zahinuŭ
Siarod pasažyraŭ samalota, jaki raźbiŭsia ŭ Ćviarskoj vobłaści, značycca i Jaŭhien Pryhožyn — Rasavijacyja
U Ćviarskoj vobłaści Rasii ŭpaŭ biznes-džet «Embrajer», usie zahinuli. Jon naležyć Pryhožynu
Ciapier čytajuć
Anatol Kotaŭ užo vyjazdžaŭ u Turcyju i ličyŭ jaje biaśpiečnaj — krynicy11
Kamientary