Litva ŭ žniŭni praviadzie kompleksnyja vučeńni pa scenarach novaha płana prykryćcia miažy
Da vučeńniaŭ, jakija papiarednie pryznačanyja na 25 žniŭnia, Litva chacieła b pryciahnuć kalehaŭ z Łatvii, Polščy i Estonii, adnak forma ich udziełu nie ŭdakładniajecca.
Litva ŭ žniŭni praviadzie vučeńni pamiežnaj słužby, armii, a taksama inšych struktur, uklučanych u novy płan prykryćcia miažy ź Biełaruśsiu. Pra heta zajaviła žurnalistam ministr unutranych spraŭ Litvy Ahnie Biłatajcie, piša TASS.
«Adnym sa scenaroŭ žnivieńskich vučeńniaŭ budzie zabieśpiačeńnie abarony miažy ad nielehalnaj mihracyi. Treba budzie taksama adpracavać reakcyju na imaviernyja hibrydnyja vajennyja pahrozy», — skazała jana.
Pavodle słoŭ kiraŭnika MUS, važna pravieryć uzrovień uzajemadziejańnia supracoŭnikaŭ pahraničnaha viedamstva i vajskoŭcaŭ. «Stavicca zadača damahčysia efiektyŭnaha ŭzajemadziejańnia pa zabieśpiačeńni dziaržaŭnaj biaśpieki», — adznačyła Biłatajcie.
Da vučeńniaŭ, jakija papiarednie pryznačanyja na 25 žniŭnia, Litva chacieła b pryciahnuć kalehaŭ z Łatvii, Polščy i Estonii, adnak forma ich udziełu nie ŭdakładniajecca.
Urad Litvy na pačatku lipienia zaćvierdziŭ płan prykryćcia miažy, jaki praduhledžvaje pryciahnieńnie vojska i adaptavany da novych pahroz. Jon daje mahčymaści bolš hnutka reahavać na źmianieńnie situacyi, praduhledzieć umovy dysłakacyi na miažy armii i dobraachvotnickich padraździaleńniaŭ, a taksama dazvalaje paźbiehnuć dadatkovych uzhadnieńniaŭ pry aŭtamatyčnym zapusku miechanizmu hetych mier.
Płan ahavorvaje paradak dziejańniaŭ pry ŭviadzieńni ŭzmocnienaha režymu achovy dziaržaŭnaj miažy Litvy, častka jakoj źjaŭlajecca źniešniaj miažoj Jeŭrasajuza.
Litoŭski deputat pra zakryćcio dvuch pamiežnych pierachodaŭ: Heta sihnał Łukašenku
Krainy Bałtyi i Polšča abmiarkujuć pytańnie zakryćcia miažy ź Biełaruśsiu ŭžo ŭ hetym miesiacy
Litva ŭsio ž zakryvaje dva punkty propusku na miažy ź Biełaruśsiu
Biełarusy raskazali, što adbyvajecca na miažy ź Litvoj napiaredadni mahčymaha zakryćcia KPP
Cichanoŭskaja źviarnułasia da litoŭcaŭ: Biełarusy nie majuć i nikoli nie buduć mieć nijakich terytaryjalnych pretenzij da svaich susiedziaŭ
Ciapier čytajuć
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary