Nazvali canu samaj darahoj kvatery ŭ Minsku, pradadzienaj z pačatku hoda
Samaja kaštoŭnaja ŭhoda była aformlenaja z kvateraj u žyłym kompleksie kala płoščy Pieramohi — na vulicy Kisialova.
Dziaržaŭny kamitet pa majomaści nazvaŭ canu samaj darahoj kvatery, pradadzienaj u Minsku z pačatku 2023 hoda.
Samaja kaštoŭnaja ŭhoda była aformlenaja z kvateraj u žyłym kompleksie kala płoščy Pieramohi — na vulicy Kisialova. Čatyrochpakajovaje žyllo ahulnaj płoščaj 124,1 «kvadrata» abyšłosia ŭładalniku ŭ $486 000 i pabiła papiaredni rekord cany na rynku, jak piša «Sputnik».
Cikava, što ŭ žyłym kompleksie na Kisialova z krasavika pa červień uklučna było pradadziena jašče dźvie kvatery. Cana adnaho mietra ŭ ich skłała ad 3680 da 4300 dalaraŭ u ekvivalencie.
Ahulnaja płošča pradadzienych za druhi kvartał 2023 hoda kvater skłała 220 tysiač kvadratnych mietraŭ, hrašovy abarot ad ich prodažu skłaŭ $293 młn.
Usiaho za pieršaje paŭhodździe zafiksavana 7,5 tysiačy ŭhod, najbolšy popyt na kvatery zarehistravany ŭ červieni — 1469.
Za ŭvieś minuły hod u biełaruskaj stalicy było pradadziena amal 15 tysiač kvater.
Čytacie taksama:
U Minsku i Hrodnie popyt na kvatery bje rekordy. Čamu tak adbyvajecca?
U Minsku pradajecca niebłahaja kvatera za $31 000. Što nie tak
U minskim Uruččy narešcie znosiać ničyjny katedž, jaki stajaŭ zakinuty 20 hadoŭ
Ciapier čytajuć
Stała viadoma, čamu Jutub vydaliŭ strymy Siarhieja Cichanoŭskaha45
Kamientary