Jutub-kanał Valeryja Sachaščyka i jaho staronka ŭ instahramie, a taksama zbornik polskich piesień papoŭnili śpis ekstremisckich materyjałaŭ
Mininfarm papoŭniŭ śpis ekstremisckich materyjałaŭ.
Hetym razam ekstremisckimi materyjałami pryznali telehram-resursy «Łošica — obŝij čat», «BYNL — Biełaruskaja Siadziba — čat», «BCH. Čat i kommientarii», «Partizanskij r-n SDŽ», «Jakubovskoho», «Sapraudnyja Biełarusy», «Orša Vokzał», «Tolki pra movu!», a taksama jutub-kanał «Valerij Sachaŝik» i jaho staronku ŭ instahramie.
Akramia taho, u Respublikanskim śpisie ekstremisckich materyjałaŭ źjaviłasia kniha pa historyi Polščy, a taksama zbornik polskich piesień. Rašeńnie ab pryznańni ich ekstremisckimi materyjałami pryniaŭ sud Baranavičaŭ 25 maja, jak źviarnuŭ uvahu reform.by.
U śpis uklučyli drukavanyja vydańni «Historyja Polščy sa staražytnych časoŭ da našych dzion» pad redakcyjaj Hanny Suchieni-Hraboŭskaj i Eŭhienijuša Cezary Krula, apublikavanyja ŭ 1995 hodzie na ruskaj i polskaj movach. Aŭtarami paznačanyja Alicyja Dybkoŭskaja, Małhažata Žaryn, Jan Žaryn.
Jašče adno papaŭnieńnie — vydańnie «Polskie písni patriotyczne» (Zbornik patryjatyčnych polskich piesień), vydaviectva Varšava, 2007 hod, na polskaj movie».
Studentaŭ Baranavickaha ŭniviersiteta prymusili hladzieć intervju z Ramanam Pratasievičam
Dziaciej u škołach prymušajuć hladzieć film «Zabojnaja pasyłka»
«Dazvoliŭ sabie hańbić BRSM, vinu pryznaju». Jurfak BDU apublikavaŭ videa sa studentam na manier HUBAZiKa
«Jakija tam pytańni zadajuć?» Ideołahi źviarnuli ŭvahu na «Mazhabojniu»
Ciapier čytajuć
Kachanak Anžaliki Mielnikavaj — ahient biełaruskich śpiecsłužbaŭ z pašpartam prykryćcia63
Kamientary