«Nie zabudziem, nie darujem». ZŠA nie dali vizy rasijskim žurnalistam, ministr Łaŭroŭ palacieŭ u Ńju-Jork adzin
Pres-sakratarka ministerstva zamiežnych spraŭ Rasii Maryja Zacharava paviedamiła, što Złučanyja štaty Amieryki nie vydali vizy supracoŭnikam rasijskich ŚMI, jakija źbiralisia supravadžać ministra Siarhieja Łaŭrova ŭ pajezdcy ŭ Ńju-Jork.
Zacharava apublikavała zajavu Łaŭrova, zroblenuju ŭ aeraporcie pierad vyletam rasijskaj delehacyi ŭ ZŠA. Ministr zajaviŭ, što amierykanski bok, admoviŭšy ŭ vydačy viz, «zbajaŭsia, zrabiŭ hłupstva i pakazaŭ, čaho vartyja jaho klatviennyja zapeŭnieńni pra abaronu svabody słova».
«Samaje hałoŭnaje, budźcie ŭpeŭnienyja: nie zabudziem, nie darujem», — skazaŭ Łaŭroŭ sa zvarotam da supracoŭnikaŭ prapahandysckich miedyja.
U Rasii paabiacali, što staŭleńnie da žurnalistaŭ z ZŠA budzie «anałahičnym» i nie pavinna być «nijakich sumnievaŭ, što amierykanskija žurnalisty adčujuć na sabie ŭvieś dyskamfort i niazručnaść».
Kamientary