Ekśpiert raskazaŭ, jak zachodnija tanki źmieniać chod vajny va Ukrainie
Čym bolš tankaŭ i čym bolš jany sučasnyja, tym bolš šansaŭ na toje, što abarona praciŭnika budzie prarvana ź mienšymi stratami.
Pra heta ŭ svaim videastrymie raskazaŭ vajskovy ekśpiert Aleh Ždanaŭ.
Tanki — asnoŭnaja ahniavaja i ŭdarnaja siła ŭ nastupalnych i kontrnastupalnych apieracyjach. Čym bolš tankaŭ i čym bolš jany sučasnyja, tym bolš šansaŭ na toje, što abarona praciŭnika budzie prarvana ź mienšymi stratami. A dalej pašyrajecca praryŭ i raźvivajecca nastup uhłyb abarony praciŭnika z zachodam jamu ŭ tył i fłanh z metaj jaho akružeńnia, razzbrajeńnia ci razhromu.
Tamu Ukraina zaŭsiody nastojvała na pastaŭkach ad partnioraŭ sučasnych tankaŭ i artyleryi. Ich simbijoz — niazłomnaja siła. Artyleryja — asnova ahniavoha paražeńnia praciŭnika, a tanki — udarnaja siła.
Aleh Ždanaŭ taksama parazvažaŭ ab mahčymych napramkach nastupleńnia. Jon adznačyŭ, što pamyłkovym źjaŭlajecca raspaŭsiudžanaje ŭjaŭleńnie ab tak zvanaj «linii Mažyno» ŭzdoŭž linii frontu pad Łuhanskam i Danieckam. Minnyja pali jak zaharoda ŭžo daŭno źniatyja. Zastalisia chiba što ŭmacavańni i akopy. Abaraniacca na hetych rubiažach nie ŭvachodziła ŭ płany. Hetaja linija vybudoŭvałasia rasijanami z raźlikam na toje, što ŭ budučym pačniecca nastupleńnie na Ukrainu.
Da pačatku vajny Ukraina pastajanna pravodziła palityku supakojvańnia voraha, spyniała ahoń u adnabakovym paradku, zabaraniała svaim vajskoŭcam adkryvać ahoń u adkaz. Takim čynam jana demanstravała, što nie źbirajecca nastupać. Heta pryviało da taho, što rasijski bok nie imknuŭsia ŭmacoŭvać miežy. Tamu nastupleńnie ŭ hetym napramku taksama mahčyma jak varyjant zachodu na terytoryi samaabvieščanych respublik uzdoŭž dziaržaŭnaj miažy z poŭnačy ci poŭdnia, miarkuje Aleh Ždanaŭ.
Čytać taksama:
Ekśpiert adkazaŭ, ci zmoža rasijski «Łancet» padbivać zachodnija «Leapardy» i «Abramsy»
Ekśpiert patłumačyŭ, što lepšaje: rasijskija BMP ci «Bredli»
Ciapier čytajuć
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary