Ziebra ŭ ZŠA adkusiła ruku haspadaru, a potym nakinułasia na palicejskich
Palicyjantam u Ahaja daviałosia zastrelić ziebru paśla napadu na svajho haspadara i kidańnia na supracoŭnikaŭ palicyi, piša Bi-bi-si.
Incydent adbyŭsia ŭ horadzie Sierkvił, štat Ahaja, u niadzielu: uładalnik ziebry patelefanavaŭ u palicyju i paviedamiŭ, što taja adkusiła jamu ruku.
Aficery znajšli mužčynu, jaki lažaŭ na ziamli, z paškodžanaj, ale jašče nie adarvanaj rukoj. Pakul palicyjanty vyklikali chutkuju, jany pastavili svaju mašynu tak, kab pieraharadzić ziebry šlach da paranienaha.
Žyviołu, adnak, heta nie spyniła — ziebra kinułasia na aŭtamabil z boku kiroŭcy. Adzin z aficeraŭ uklučyŭ sirenu i vykarystaŭ pavietrany ražok — admysłovuju pnieŭmatyčnuju hukavuju pryładu, kab adahnać ziebru i advieści paranienaha haspadara žyvioły.
Heta spracavała na niekatory čas, adnak pakul palicyjanty viali mužčynu ŭ mašynu chutkaj dapamohi, ziebra viarnułasia. Skončyłasia ŭsio tym, što ahresiŭnuju žyviołu zastreliŭ z drabavika adzin z aficeraŭ, kali jana kinułasia na palicejskich, heta paćviardžaje videa z kamiery aficera, jakoje raspaŭsiudziŭ ofis miascovaha šeryfa.
Pryčyny raptoŭnaj ahresii ziebry dahetul niajasnyja. Ułady miarkujuć, što takim čynam žyvioła sprabavała abaranić samak, jakija paśvilisia na tym ža poli.
Departamient sielskaj haspadarki štata Ahaja nie ličyć ziebr dzikimi i ahresiŭnymi žyviołami, tamu žycharam štata dazvolena trymać ich jak svojskich žyvioł.
Jak paviedamili ŭ špitali, daktary čakajuć, što paciarpieły całkam adnovicca paśla ranieńnia.
Kamientary