Brytanskaja raźviedka: rasijanie pierakidvajuć na front sastarełyja T-62 i BTR-50
Rasijskija vajskoŭcy praz stratu istotnaj kolkaści ciažkaj braniatechniki va Ukrainie vymušanyja zadziejničać asnoŭnyja bajavyja tanki T-62, piša Ministerstva abarony Vialikabrytanii.
Ź minułaha leta z zachoŭvańnia byli źniatyja prykładna 800 tankaŭ T-62. Niekatoryja ź ich atrymali madernizavanyja sistemy prycelvańnia, jakija, chutčej za ŭsio, pavysiać ich efiektyŭnaść u načny čas.
Jość vierahodnaść, što navat častki hałoŭnaha tankavaha złučeńnia ŭ rasijskaj armii — 1-j hvardziejskaj tankavaj armii —buduć vykarystoŭvać T-62, kab kampiensavać papiarednija straty.
Raniej mierkavałasia, što jany jašče ŭ 2021 hodzie atrymajuć asnoŭnyja bajavyja tanki novaha pakaleńnia T-14 «Armata».
U apošnija dni va Ukrainie ŭpieršyniu byli zaŭvažanyja rasijskija bronietransparciory BTR-50, upieršyniu ŭziatyja na ŭzbrajeńnie jašče ŭ 1954 hodzie.
Jak adznačajecca ŭ spravazdačy, hetaja technika budzie ŭraźlivaja na poli boju, u tym liku z-za adsutnaści sučasnaj reaktyŭnaj brani.
Ciapier čytajuć
Voś jakoje charastvo za 40 miljonaŭ dalaraŭ pradaje siabar-trenier Łukašenki1
Voś jakoje charastvo za 40 miljonaŭ dalaraŭ pradaje siabar-trenier Łukašenki
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2828
Kamientary