Pra stan usich dzieviaci paciarpiełych u avaryi na aŭtadarozie R-69 pablizu horada Smalavičy, raspavioŭ hałoŭny pazaštatny chirurh-transpłantołah Ministerstva achovy zdaroŭja, doktar miedycynskich navuk NAN RB Aleh Rumo.
«Usie pacyjenty, jakija paciarpieli ŭ hetaj strašnaj avaryi, znachodziacca ŭ viadučych lačebnych ustanovach. Šerah pacyjentaŭ znachodzicca ŭ ciažkim stanie. Za ich žyćcio praciahvajecca baraćba i miedyki robiać usio mahčymaje», — raskazaŭ Aleh Rumo.
«Heta troje pacyjentaŭ ź ciažkoj spałučanaj traŭmaj, dzie pieravažajuć traŭmy orhanaŭ brušnoj połaści i adzin pacyjent, u jakoha pieravažaje traŭma čerapa — ciažkaja čerapna-mazhavaja traŭma. Astatnija piać pacyjentaŭ znachodziacca ŭ stabilnym stanie, jany pakul znachodziacca ŭ adździaleńni intensiŭnaj terapii, ale pa miery ich vyzdaraŭleńnia jany buduć pieraviedzienyja ŭ zvyčajnyja samatyčnyja adździaleńni. Traŭmy ŭsie spałučanyja, paškodžanyja kości škileta, kości tvaravaha čerapa, paškodžany hałaŭny mozh», — raskazaŭ prafiesar Rumo
Nahadajem, što strašnaja trahiedyja zdaryłasia pad Smalavičami 20 lutaha. U vyniku sutyknieńnia maršrutki i MAZa zahinuli 11 čałaviek, 9 čałaviek trapili ŭ balnicy. Kiroŭca MAZa byŭ zatrymany.
Ciapier čytajuć
Čym ciapier žyvie Ksienija Vołkava z «Apošniaha hieroja»? Čverć stahodździa tamu hetaja biełaruska trapiła na trapičny vostraŭ1
Kamientary