Biełaruskuju lehkaatletku, pryziorku Alimpijady-2008 Nadzieju Astapčuk zatrymali 15 śniežnia 2022 hoda. Ad inšych asudžanych było viadoma, što jašče ŭ studzieni jana zastavałasia na Akreścina. Ciapier spartoŭku vypuścili.
Pra toje, što jana ciapier doma, sama Nadzieja Astapčuk paviedamiła ŭ intervju Maratu Markavu na ANT. U jakim statusie jaje adpuścili (prosta vyzvalili ci pad padpisku ab niavyjeździe), ci zaviedzienaja kryminalnaja sprava — nieviadoma.
Mahčyma, intervju było adnoj z umoŭ vyzvaleńnia. Hetyja «dobraachvotnyja» hutarki ŭ łukašenkaŭskaj sistemie, jakija chutčej za ŭsio adbyvajucca pad ciskam, a nie pa svajoj voli, — adna z formaŭ katavańnia.
Tak, naprykład, łukašenkaŭcy zapisvali zvarot bajca Alaksieja Kudzina ź SIZA.
U 2021-m Markaŭ braŭ intervju ŭ Ramana Pratasieviča, zatrymanaha paśla prymusovaj pasadki samalota Ryanair.
Raniej rasijskaja žurnalistka Kaciaryna Jańšyna, jakaja znachodziłasia na Akreścina z 5 pa 20 studzienia, raspaviała, što čuła ad svaich sukamiernic pra toje, u jakich umovach u toj čas siadzieła Astapčuk.
Pavodle sukamiernic Kaciaryny, spartoŭka zachvareła padčas źniavoleńnia, ale navat u takim stanie, ležačy na padłozie, zakryvała saboj ludziej ad skraźniaku.
«Chvoraja, ležačy na padłozie, zakryvała saboj ludziej ad skraźniaku». Byłaja źniavolenaja z Akreścina — pra Nadzieju Astapčuk
Ciapier čytajuć
Chto takaja Alesia Parchomienka z Kipra, jakaja raźviazała biełaruska-biełaruskuju vajnu45
Chto takaja Alesia Parchomienka z Kipra, jakaja raźviazała biełaruska-biełaruskuju vajnu
«Doktarka», advakat, čałaviek z kamieraj i niekalki dužych chłopcaŭ. U Pietrapaŭłaŭskaj Barščahoŭcy rasijskija śpiecsłužby skarystalisia śpiecyfičnym ukrainskim biznesam vajennaha času1414
Kamientary
Miarzotna-złačynnaja łukašyckaja sistema.
Tam niema ludziej