Va Ukrainie vypuścili kanviert i marku, pryśviečanyja Alesiu Bialackamu
Va Ukrainie vypuścili admysłovy kanviert, pryśviečany sioletniamu łaŭreatu Nobieleŭskaj premii miru Alesiu Bialackamu. Adnačasna vyjšła i marka, pryśviečanaja Biełarusi ŭ suviazi z nobieleŭskim uhanaravańniem pravaabaronca, piša «Haradzienskaja pravaabarona».
Inicyjataram takoha vydańnia staŭ Uładzimir Chanas, hramadski dziejač ź Ciarnopala. Dapamahali ŭ vydańni i haradzienskija pravaabaroncy.
Uładzimir Chanas patłumačyŭ svaje dziejańni tak:
«Rychtujučy śpiecyjalnyja kanvierty da atrymańnia Nobieleŭskaj premii miru Centram hramadzianskich svabod (staršynia Alaksandra Matvijčuk), my vyrašyli zrabić taki ž kanviert dla biełaruskaha pravaabaroncy Alesia Bialackaha.
I tut my sutyknulisia z peŭnym vyklikam. Va Ukrainie chapaje patryjatyčnych marak, suśvietny rozhałas vyklikaŭ znakamity «ruski karabiel». U Biełarusi takich brendaŭ niama. Tamu my vyrašyli vypuścić prajekt marki ź biełaruskaj simvolikaj.
Paśla abmierkavańniaŭ vyrašyli abrać stylizavany varyjant adnoj ź pieršych marak niezaležnaj Biełarusi z hierbam «Pahonia». Heta aficyjny płaciežny srodak — i svojeasablivy simvał padtrymki i salidarnaści ź biełaruskim narodam.
I kanvierty, i marki zroblenyja, paśla śpiechašeńnia — my ich dašlom biełaruskim siabram».
Ciapier čytajuć
Bieśpiłotnik, jaki ŭpaŭ u Minsku, prylacieŭ z boku Barysava — šmatlikija śviedčańni9
Kamientary