Repietycyjny centralizavany ekzamien: što treba viedać 11-kłaśnikam i ich baćkam
Kala 53 tysiač navučencaŭ zdaduć repietycyjny centralizavany ekzamien 28 studzienia.
Bolš padrabiazna pra jaho arhanizacyju raspaviała načalnik upraŭleńnia ahulnaj siaredniaj adukacyi Minadukacyi i Iryna Karžova, pišuć «Minsk-Naviny».
Probny CE abaviazkovy dla ŭsich vučniaŭ 11-ch kłasaŭ, ale vyniki nidzie ŭličvacca nie buduć. Školniki zmohuć pravieryć svaje viedy pa pradmiecie na vybar (akramia biełaruskaj i ruskaj moŭ) i paśla vyrašyć, na što rabić upor u dalejšym, što zdavać u asnoŭny dzień. Dla praviadzieńnia probnikaŭ vybrany 144 ustanovy adukacyi pa ŭsioj krainie, 12 ź ich — u Minsku.
Pačniecca repietycyjny CE ŭ 11:00.
Padvoz da punktaŭ zdačy
Pa słovach I. Karžovaj, užo prapracavany ŭsie pytańni, jakija tyčacca dastaŭki navučencaŭ. Naprykład, staršakłaśnikaŭ ź sielskich nasielenych punktaŭ adviazuć u rajcentry na školnych aŭtobusach. U abłasnych centrach i stalicy dzieci buduć dabiracca da miescaŭ praviadzieńnia probnaha vyprabavańnia na hramadskim transparcie. Va ŭsich vypadkach praduhledžana ich supravadžeńnie nastaŭnikami. Dla zručnaści ŭ adpaviedny pramiežak času transpart budzie chadzić čaściej.
Što treba brać z saboj
Na ekzamien vučniam nieabchodna ŭziać pašpart, propusk i hielevuju ručku z čornym stryžniem. Tym, chto zdaje fiziku i matematyku, dazvolena brać prosty kalkulatar.
Parušeńni paciahnuć vydaleńnie z aŭdytoryi.
Dla dziaciej, jakija spraviacca ź ispytam raniej ustanoŭlenaha terminu, praduhledžanyja śpiecyjalnyja pakoi.
Adznaki buduć vystaŭlacca pa 10-balnaj škale. Aznajomicca z vynikami možna budzie praz dva—try tydni na sajcie RIKV.
Dla hetaha treba budzie ŭvieści proźvišča i pašpartnyja danyja.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ2
Kamientary