Ministr adukacyi Andrej Ivaniec raspavioŭ žurnalistam, jak budzie prachodzić raźmierkavańnie ŭ hetym navučalnym hodzie, u tym liku dla vypusknikoŭ płatnaj formy navučańnia.
«Kožny z nas razumieje, što maładoha śpiecyjalista biez vopytu raboty daloka nie kožny najmalnik choča brać na pracu. U našaj krainie zachavana sistema raźmierkavańnia, harantavanaha pradastaŭleńnia pieršaha pracoŭnaha miesca. Bolš za toje, taki małady čałaviek ciapier atrymlivaje status maładoha śpiecyjalista, a heta 20% nadbaŭki da akładu, mahčymaść pradastaŭleńnia internata, pastanoŭka na lhotnuju čarhu budaŭnictva žylla. Heta ŭsio vielmi surjoznyja miery stymulujučaj padtrymki.
Tyja maładyja ludzi, jakija zakančvajuć płatnuju formu navučańnia, źjaŭlajucca sapraŭdy takimi ž našymi vypusknikami. I jany majuć prava skarystacca hetaj mahčymaściu i stać maładym śpiecyjalistam.
Heta nie kaža pra toje, što my budziem abaviazvać našych vypusknikoŭ płatnaj formy navučańnia raźmiarkoŭvacca, ale my budziem aktyŭna prapanoŭvać im vykarystoŭvać takuju mahčymaść, pakazvać jaje pieravahi», — cytuje Andreja Ivanca BiełTA.
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami66
Kamientary