Lidar levych Łuła da Siłva uznačalvaŭ Braziliju ŭ 2003—2010 hadach. U 2017 hodzie jon byŭ asudžany na 12 hadoŭ kałonii pavodle abvinavačvańnia ŭ karupcyi, ale paźniej ź jaho źniali ŭsie abvinavačvańni. Na vybarach jon pieramoh dziejnaha prezidenta krainy Žaira Bałsanaru, piša RBK.
Były prezident Brazilii Łuis Inasiu Łuła da Siłva pieramoh dziejnaha kiraŭnika dziaržavy Žaira Bałsanaru ŭ druhim tury prezidenckich vybaraŭ paśla padliku hałasoŭ vybarščykaŭ, vynikaje sa źviestak na sajcie Vyšejšaha vybarčaha suda krainy.
Razryŭ pamiž kandydatami paśla padliku 99,26% hałasoŭ akazaŭsia minimalnym — 50,85% suprać 49,15%.
Pieršy tur prezidenckich vybaraŭ u Brazilii adbyŭsia 3 kastryčnika, adnak nichto z kandydataŭ nie zmoh nabrać bolš za 50% hałasoŭ. U finalnaje hałasavańnie vyjšli Žair Bałsanaru i Łuła da Siłva.
Pa vynikach pieršaha tura bolš hałasoŭ nabraŭ Łuła (47,98%), Bałsanaru akazaŭsia na druhim miescy z 43,59%. Usiaho ŭ pieršym tury ŭdzielničali dzieviać kandydataŭ, ale nichto inšy nie nabraŭ bolš za 1% hałasoŭ.
U 2016 hodzie Łuła byŭ asudžany da 12 hadoŭ pa spravie karupcyi i admyvańnia hrošaj u dziaržaŭnaj naftavaj kampanii Petrobras. Skandał vakoł hetaha taksama pryvioŭ da impičmientu Dyłmy Rusief u 2016 hodzie. Jana była pierajemnicaj Łuły na pasadzie prezidenta i jaho paplečnicaj pa Rabočaj partyi. Sam eks-prezident, vykarystoŭvajučy prava na apielacyju, znachodziŭsia na voli, a ŭ 2021 hodzie Viarchoŭny sud Brazilii admianiŭ prysudy ŭ dačynieńni da jaho.
-
«Zaličanaja pa niestandartnaj pracedury». Stała viadoma, jak ščodra padmazvaŭ Epštejn univiersitet, u jakim vučyłasia Karyna Šulak
-
Rubia ŭ apošni momant admianiŭ sustreču ź lidarami Jeŭropy ab pytańni Ukrainy
-
Studzień 2026 hoda ŭvajšoŭ u piaciorku samych ciopłych pieršych miesiacaŭ hoda ŭ śviecie. Jak heta ni dziŭna dla biełarusaŭ
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami12
Kamientary
No fakt izbranija nie hovorit o tom, čto Łułu nie vzdiornut čieriez hod na rieje!