«Rasija vybrała svoj šlach». Miadźviedzieŭ pahražaje Zachadu hipierhukam
Miadźviedzieŭ zrabiŭ čarhovyja kryvažernyja zajavy. Jon papiaredziŭ, što hipierhuk «zdolny chutka dasiahnuć celaŭ u ZŠA i Jeŭropie». Na jaho dumku, da zajaŭ Rasii varta prysłuchacca ŭsim žycharam dziaržaŭ NATA.
Ułady Rasii vyrašyli akupavać ukrainski Danbas i inšyja terytoryi, novyja rehijony buduć «abaronienyja» z dapamohaj mabilizavanych, Rasija moža vykarystoŭvać lubuju zbroju «uklučajučy stratehičnuju», tamu «nie treba pałochać» Maskvu. Takuju vysnovu z pramovy Pucina zrabiŭ eks-prezident, namieśnik staršyni Rady biaśpieki Rasii Dźmitryj Miadźviedzieŭ.
«Zachodniamu isteblišmientu, naohuł usim hramadzianam nataŭskich krain treba zrazumieć, što Rasija vybrała svoj šlach. Zvarotnaj darohi niama», — padkreśliŭ Miadźviedzieŭ.
Razam z tym jon paraiŭ «roznym adstaŭnym idyjotam z hienieralskimi łampasami» nie pahražać udaram aljansu pa Krymie, prystrašyŭšy, što hipierhuk zdolny dasiahnuć celaŭ u Jeŭropie i ZŠA.
Nahadajem, Pucin u svaim zvarocie da rasijan abvinavaciŭ krainy Zachadu ŭ «jadziernym šantažy», nahadaŭšy, što rasijskija vajskoŭcy vałodajuć anałahičnym uzbrajeńniem.
«Dla abarony našaha naroda my vykarystoŭvajem usie srodki. Heta nie blef. Našy niezaležnaść i svaboda buduć zabiaśpiečanyja ŭsimi srodkami, što isnujuć», — paabiacaŭ prezident Rasii.
Ciapier čytajuć
Ściapan Puciła: Mianie sprabavali vykraści z dapamohaj pasolstva Biełarusi ŭ Varšavie15
Ściapan Puciła: Mianie sprabavali vykraści z dapamohaj pasolstva Biełarusi ŭ Varšavie
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič77
Kamientary