Stała viadoma, na jakich umovach na vajnu va Ukrainu viarbujuć zekaŭ
U telehram-kanale «VČK-OHPU» źjaviłasia videa pramovy ŭładalnika «PVK Vahniera» Jaŭhiena Pryhožyna pierad źniavolenymi adnoj z rasijskich kałonij, ź jakoj možna daviedacca padrabiaznaści taho, na jakich umovach hetyja ludzi viarbujucca na vajnu va Ukrainie.
Ź piacichvilinnaj pramovy Pryhožyna vynikaje:
- źniavolenyja pad kiraŭnictvam PVK vajujuć z 1 lipienia;
- pieršaje ich vykarystańnie adbyłosia jašče pry šturmie Vuhlahorskaj CES;
- praz paŭhoda ŭdziełu ŭ vajnie źniavolenyja atrymlivajuć pamiłavańnie, mohuć adpravicca dadomu ci zastacca ŭ šerahach PVK nadalej;
- usich, pryciahnutych pa art. 228, jakaja tyčycca raspaŭsiudu narkotykaŭ i psichatropaŭ, pravierać na palihrafie na pradmiet ich užyvańnia;
- stavicca ŭmova pra niedapuščalnaść deziercirstva, hvałtu, narkotykaŭ, ałkaholu, maradziorstva;
- u vypadku śmierci ŭsich abiacajuć pachavać u adpaviednaści ź ich apošniaj volaj.
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary