Biełarus na čale Biełarusi. Vialiki film NN pra pieršaha kiraŭnika niezaležnaj RB Stanisłava Šuškieviča, Łukašenku, Paźniaka i 1990-ja
My publikujem film pra Stanisłava Šuškieviča 25 žniŭnia — u dzień, kali Biełaruś abviaściła niezaležnaść i rola Šuškieviča na bližejšyja try hady stała adnoj z klučavych u novaj dziaržavie. Hety dzień jašče niedaacenieny ŭ biełaruskim histaryčnym kalendary, ale jon jašče budzie acenieny.
Stanisłaŭ Šuškievič — postać suśvietnaha maštabu. Viadomy palityk, značny navukoviec i pry hetym čałaviek, mocna addany Biełarusi.
Tak składaŭsia los, što Šuškievič niaźmienna akazvaŭsia ŭ epicentry važnych padziej. Jašče maładym navukoŭcam jaho pryznačyli supravadžać amierykanskaha pierabiežčyka Li Charvi Osvalda.
Paśla byŭ Čarnobyl. Hetaja trahiedyja stała testam na sumlennaść dla palitykaŭ i navukoŭcaŭ. I Šuškievič prajaviŭ siabie absalutna sumlennym.
Biełaviežskija pahadnieńni źmianili kartu śvietu. XX stahodździe jak takoje pačałosia sa strełu Haŭryły Pryncypa ŭ Bośnii, a skončyłasia ŭ Biełarusi. I Šuškievič tady, z usioj ułaścivaj biełarusam aściarožnaściu, vyhadavanaj strašnym vopytam XX stahodździa, vopytam, jaki apaliŭ i jaho siamju, zrabiŭ usio, kab Biełaruś skarystałasia svaim histaryčnym šancam. Kali b u 1991 hodzie na čale Biełarusi stajaŭ nie Šuškievič, a chtości inšy, ź inšymi pohladami, ź inšymi pryjarytetami, to ci była b Biełaruś niezaležnaj?
Ci moh jon zrabić bolš? Ci jość jaho vina ŭ tym, što ŭładu ŭ krainie zachapiŭ Alaksandr Łukašenka, jaki pieratvaryŭ Biełaruś u prarasijskuju dyktaturu? Što Šuškievič moh zrabić inakš? Dzie była niepaźbiežnaść, a dzie jaho pamyłkovy vybar? I jakim hety čałaviek zastaniecca ŭ historyi i našaj pamiaci? Pra heta — novy film «Tok».
00:00 — što ŭ filmie
02:18 — jak sustreŭ razvał SSSR
05:38 — Natalla Radzina — ab pryjeździe Šuškieviča paśla taho, jak vyjšła z turmy
09:06 — jak moładź usprymała Šuškieviča
10:32 — jak sutyknulisia łbami ź Luboŭju Łuniovaj
13:25 — jak Šuškieviča vyniesła na palityčnuju arenu ŭ BSSR
17:32 — jak dapamahła Šuškieviču pryncypovaść u pytańniach čarnobylskaj katastrofy
20:17 — jak razvaliŭsia SSSR i jakaja rola ŭ hetym Šuškieviča
22:08 — Milinkievič — pra biełaruskaje serca Šuškieviča i słužeńnie
25:20 — unučka — pra toje, što padkasiła zdaroŭje Šuškieviča
27:29 — jak dapamoh maci Natalli Radzinaj
28:09 — pra lehiendarnaje lecišča, dzie ŭvieś čas niešta budavaŭ
30:39 — pieršaja ambasadarka Polščy ŭ Biełarusi — pra adsutnaść kompleksaŭ u Šuškieviča
32:02 — što lubiŭ jeści
32:40 — pra pajezdki pa amierykanskim aŭtabanie i prahu da žyćcia
35:35 — jak siadaŭ za farteptiana i hraŭ chulihanskija pieśni
37:16 — jak stali dziaržaŭnymi bieła-čyrvona-bieły ściah i Pahonia
41:19 — jak tak stałasia, što ŭ 1994-m Łukašenka pryjšoŭ da ŭłady
57:54 — pra pasrednaść Łukašenki i Pucina i postać Šuškieviča
1:10:32 — jak sychodziŭ Šuškievič
1:13:41 — pra pajezdku na «Narodny albom» i toje, jak uvieś aŭtobus z Šuškievičam fatahrafavaŭsia
1:22:04 — jak pachavali Kraŭčuka i jak — Šuškieviča
1:31:37 — jak ułady nie dajuć pastavić łavu pobač ź miescam pachavańnia Šuškieviča
Na abiedzie Łukašenki i Si Czińpina prysutničała i adzinaja dačka kitajskaha lidara11
Kamientary