Śpiecyjalny pradstaŭnik Alaksandra Łukašenki Viktar Šejman u piatnicu, 24 červienia pabyvaŭ u samaabvieščanaj Respublicy Abchazija i pravioŭ aficyjnuju sustreču ź jaje prezidentam Asłanam Bžanijaj ŭ prysutnaści kiraŭnika MZS krainy Inała Ardzinby.
Pra heta paviedamiła pres-słužba prezidenta Abchazii.
«Baki abmierkavali pytańni, jakija ŭjaŭlajuć uzajemnuju cikavaść, aktualnyja aśpiekty jeŭrazijskaj intehracyi, pierśpiektyvy inviestycyjna-ekanamičnaha supracoŭnictva», — havorycca ŭ paviedamleńni.
Akramia taho, Šejman pieradaŭ Bžanii «pamiatny padarunak» ad Łukašenki i pryniaŭ padarunak u adkaz.
Raniej pra aficyjnyja vizity biełaruskich čynoŭnikaŭ takoha ŭzroŭniu ŭ Abchaziju nie paviedamlałasia. U žniŭni 2008 hoda, paśla vajny pamiž Rasijaj i Hruzijaj i źjaŭleńnia dźviuch samaabvieščanych respublik, Alaksandr Łukašenka sustrakaŭsia ź ich prezidentami ŭ Sočy. Adnak paśla Biełaruś tak i nie pryznała niezaležnaść Abchazii i Paŭdniovaj Asiecii: Łukašenka nie raz davaŭ zrazumieć, što heta niemetazhodna dla krainy, nahadvaje «Zierkało».
7 lutaha 2022 hoda padčas intervju Uładzimir Sałaŭjoŭ zadaŭ Alaksandru Łukašenku pytańnie pra toje, kali jon pryznaje dźvie respubliki. Toj u adkaz nie vyklučyŭ, što heta moža adbycca. «A ŭ hetym jość niejkaja nieabchodnaść žyćciovaja? Jak tolki ja razumieju, što ŭ hetym jość nieabchodnaść i prezident [Rasii] skaža mnie, što jość nieabchodnaść…» — skazaŭ palityk.
-
«Prapanavali kavu, buterbrod — a potym advieźli ŭ SIZA». Uładalnik «Novaha zroku» raskazaŭ, jak jaho zatrymali pa nocie Interpała
-
«Niabačnyja»: vyjšła kniha Volhi Vialički pra žonak biełaruskich palitviaźniaŭ
-
Upieršyniu malitva na miescy hibieli achviar represij nie adbyłasia va ŭsioj Biełarusi. Apošnim zdaŭsia Homiel
Ciapier čytajuć
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha3636
Kamientary