Siońnia adbudziecca sustreča ŭ štab-kvatery NATA ŭ ramkach kantaktnaj hrupy pa padtrymcy Ukrainy.
Ukraina pavinna atrymać bolš ciažkaj zbroi ad krain NATA, kab supraćstajać uvarvańniu RF, i mienavita hetaje pytańnie budzie abmiarkoŭvacca ŭ farmacie kantaktnaj hrupy «Ramštajn» užo siońnia. Pra heta na pres-kanfierencyi pa vynikach sustrečy lideraŭ siami krain NATA zajaviŭ hienieralny sakratar NATO Jens Stołtenberh.
«Ukraina pavinna atrymać bolš ciažkaha ŭzbrajeńnia. Sajuźniki pa NATA i partniory dali takuju zbroju, i naroščvajuć hetyja namahańni. 15 červienia adbudziecca sustreča ŭ štab-kvatery NATA ŭ ramkach kantaktnaj hrupy pa padtrymcy Ukrainy, — heta farmat, jaki byŭ zasnavany na bazie Ramštajn niekalki miesiacaŭ tamu. Hetaja hrupa sustrakajecca rehularna dla kaardynacyi namahańniaŭ sajuźnikaŭ pa NATA i partnioraŭ u akazańni roznych vidaŭ uzbrajeńnia i vajennaha abstalavańnia, uklučajučy ciažkija ŭzbrajeńni dla Ukrainy. Jany całkam ad hetaha zaležać, kab być zdolnymi supraćstajać žorstkamu rasijskamu ŭvarvańniu», — skazaŭ Stołtenbierh.
U svaju čarhu premjer-ministr Niderłandaŭ Mark Rute paviedamiŭ na pres-kanfierencyi, što jaho kraina razam z Hiermanijaj užo nieŭzabavie buduć hatovyja pieradać Ukrainie 12 samachodnych haŭbic Panzerhaubitze 2000, adrazu paśla taho, jak ukrainskija ekipažy zavieršać treniroŭki.
Raniej daradca Ofisa prezidenta Michaił Padalak kazaŭ, što Ukrainie, kab supraćstajać Rasii, nieabchodna niekalki tysiač adzinak ciažkaha ŭzbrajeńnia. «Budu pramaliniejnym. Kab skončyć vajnu i vykinuć Rasiju z Ukrainy, nam patrebny parytet ciažkaj zbroi», — napisaŭ jon.
U pryvatnaści, pa słovach Padalaka, nieabchodna:
— 1000 haŭbic kalibru 155 mm;
— 300 RSZA;
— 500 tankaŭ;
— 2000 adzinak braniatechniki;
— 1000 dronaŭ.
Ciapier čytajuć
Biełaruskija repietytary ŭ panicy: praz prablemy «Jandeksa» jany mohuć zhubić materyjały, jakija napracoŭvali hadami1
Kamientary