Vydaviectva «Januškievič» adkryvaje ŭ Minsku kniharniu «Knihaŭka»
Pryvatnaje biełaruskaje vydaviectva «Januškievič» u paniadziełak, 16 maja, adkryvaje ŭ Minsku novuju kniharniu. Jana atrymała nazvu «Knihaŭka» i znachodzicca pa vulicy Źmitraka Biaduli, 6.
«My nie płanujem hučnaha adkryćcia, ale padrychtavali niekalki cikavostak dla našych čytačoŭ», — piša vydaviectva.
U pryvatnaści, na adkryćci kniharni možna budzie kupić niekatoryja knihi, jakija ŭžo skončylisia ŭ prodažy: «Viadźmar, jaki rabiŭsia vaŭkom» i «Kot Šprot i źnikły myšamabil» Hanny Jankuty, a taksama dadatkovy nakład knihi «Hary Poter i fiłasofski kamień» u miakkaj vokładcy.
Płanujecca, što kniharnia budzie pracavać štodnia ad 11-j da 20-j hadziny (tolki ŭ niadzielu ad 12-j da 18-j).
Da «Dnia narodnaha adzinstva» pamiłavali 25 čałaviek4
Kamientary