Hurt DDT admoviŭsia hrać na placoŭcy ŭ Ciumieni, dzie namalavali litaru Z, jakuju vykarystoŭvajuć jak simvał padtrymki rasijskaj ahresii va Ukrainie, paviedamiŭ lidar hurta Juryj Šaŭčuk u intervju žurnalistu Alaksandru Pluščavu na jaho YouTube-kanale.
«Moža, zabaranić naš kancert vyrašyli, bo my pamianiali zału. U nas była zała zajaŭlenaja dla kancerta, i tam jany namalavali vializnuju litaru Z. My admovilisia tam hrać, pieranieśli kancert u inšuju zału. Inšuju zału nam užo nie dali», — raspavioŭ Šaŭčuk.
Pres-sakratar Ciumienskaha kancertna-teatralnaha abjadnańnia Natalla Rabkova raspaviała miascovamu partału 72.RU, što ab pryčynach pieranosu vystupu rok-hurta nie viedaje. «Heta arendnaje mierapryjemstva. My prosta dajom placoŭku. <…> Kali ja ŭ apošni raz była [u fiłarmonii] 15-ha, nijakich simvolik u kancertnaj zale nie było», — adznačyła Rabkova.
Kamientary